ഹൈദരാബാദ് : ഇയര്ഫോണ് എടുക്കാന് ശ്രമിച്ച യുവാവ് ഷോക്കേറ്റ് മരിച്ചു. മരത്തില് കുടുങ്ങിയ ഇയര്ഫോണ് കമ്പികൊണ്ട് എടുക്കാന് ശ്രമിക്കുന്നതിനിടയില് കമ്പി ഇലക്ട്രിക് ലൈനില് തട്ടി ഷോക്കേറ്റാണ് യുവാവ് മരിച്ചത്. ഗംഗാ രവീന്ദര് എന്ന 30കാരനാണ് മരിച്ചത്. സുഹൃത്തുക്കള് നോക്കി നില്ക്കെയാണ് ഗംഗ മരിച്ചത്.
ഗംഗ പുറത്തേക്ക് പോകുമ്പോള് ഇയര്ഫോണ് എടുക്കാന് മറന്നു. തുടര്ന്ന് സുഹൃത്തുക്കളോട് ബാല്ക്കണിയില് നിന്ന് ഇയര്ഫോണ് താഴേക്ക് ഇട്ട് നല്കാന് ഗംഗ ആവശ്യപ്പെട്ടു. എന്നാല് സുഹൃത്ത് ഇട്ട് നല്കിയ ഇയര്ഫോണ് മരത്തിന്റെ ചില്ലയില് കുടുങ്ങുകയായിരുന്നു. തുടര്ന്ന് ഗംഗ രണ്ടാം നിലയില് എത്തുകയും അവിടെ ഉണ്ടായിരുന്ന കമ്പി കൊണ്ട് മരത്തിന്റെ ചില്ലയില് കുടുങ്ങിയ ഇയര്ഫോണ് എടുക്കാന് ശ്രമിക്കുകയുമായിരുന്നു. എന്നാല് നിര്ഭാഗ്യവശാല് കമ്പി വൈദ്യുതി ലൈനില് കുടുങ്ങി ഗംഗയ്ക്ക് ഷോക്കേറ്റ് മരിക്കുകയുമായിരുന്നു.
ഗംഗയോടൊപ്പമുണ്ടായിരുന്ന മറ്റൊരു സുഹൃത്തിനും പരിക്കേറ്റിട്ടുണ്ടെന്ന് പോലീസ് വ്യക്തമാക്കി. പരിക്കേറ്റയാളെ ആശുപത്രിയില് പ്രവേശിപ്പിച്ചിരിക്കുകയാണ്.
