ചെങ്ങനാശേരി ആലപ്പുഴ റോഡിൽ മങ്കൊമ്പിൽ വെള്ളിയാഴ്ച്ചയായിരുന്നു സംഭവം.
ആലപ്പുഴ: ബൈക്കോടിച്ചപ്പോൾ വെള്ളം തെറിപ്പിച്ചെന്ന് ആരോപിച്ച് യുവാക്കൾക്ക് ക്രൂരമർദ്ദനം. ചെങ്ങനാശേരി ആലപ്പുഴ റോഡിൽ മങ്കൊമ്പിൽ വെള്ളിയാഴ്ച്ചയായിരുന്നു സംഭവം. ആലപ്പുഴയിൽ നിന്നും ചങ്ങനാശ്ശേരിയിലേക്ക് വരികയായിരുന്ന യുവാക്കളെ ഒരുസംഘം തടഞ്ഞുനിർത്തിയാണ് മർദിച്ചത്. വെള്ളക്കെട്ട് നിറഞ്ഞ എ സി റോഡിലൂടെ വേഗത്തിൽ ബൈക്കോടിച്ച് മന:പൂർവ്വം വെള്ളം തെറിപ്പിച്ചെന്നാരോപിച്ചായിരുന്നു മർദ്ദനം.മുണ്ടക്കയം കൂട്ടിക്കൽ സ്വദേശികളായ തൗഫാൻ, റഫീക്ക് എന്നിവർക്ക് പരിക്കേറ്റു. ഇരുവരും ആശുപത്രിയിൽ ചികിത്സതേടി. പരാതി മുണ്ടക്കയം പോലീസ് മങ്കൊമ്പ് പോലീസിന് കൈമാറി. ഭയം കാരണം മർദ്ദനമേറ്റ വിവരം യുവാക്കൾ ആദ്യം വീട്ടിൽ അറിയിച്ചിരുന്നില്ല. ശാരീരിക ആവശതയെ തുടർന്ന് പിന്നീട് ഇവരെ ആശുപത്രിയിലേക്ക് മാറ്റുകയായിരുന്നു.
