വടക്കന് ഗോവയിലെ അഞ്ജുനയില് ബുധനാഴ്ച രാത്രി വൈകിയാണ് സംഭവം നടന്നത്. അപകടം നടക്കുമ്പോള് സറീന് ഖാന് കാറിനകത്തുണ്ടായിരുന്നു
പനാജി: പ്രമുഖ ബോളിവുഡ് നടി സറീന് ഖാനിന്റെ കാറിടിച്ച് സ്കൂട്ടര് യാത്രികനായ യുവാവ് മരിച്ചു. ഗോവയിലെ മാപൂസ സ്വദേശിയായ നിതേഷ് ഗോരല് (31) ആണ് മരിച്ചത്.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
വടക്കന് ഗോവയിലെ അഞ്ജുനയില് ബുധനാഴ്ച രാത്രി വൈകിയാണ് സംഭവം നടന്നത്. അപകടം നടക്കുമ്പോള് സറീന് ഖാന് കാറിനകത്തുണ്ടായിരുന്നു. ഡ്രൈവര് അലി അബ്ബാസും നടിയും മാത്രമായിരുന്നു വാഹനത്തിനകത്ത് ഉണ്ടായിരുന്നത്.
കാറിലിടിച്ച സ്കൂട്ടര് മറിഞ്ഞ് വീഴുകയായിരുന്നു. ആശുപത്രിയിലെത്തിച്ച ശേഷം ചികിത്സയിലിരിക്കെയാണ് നിതേഷ് മരിച്ചത്. തലയ്ക്കേറ്റ ഗുരുതരമായ പരിക്കുകളാണ് മരണത്തിന് കാരണമായതെന്ന് ഡോക്ടര്മാര് വ്യക്തമാക്കി. അപകടം നടന്നത് എങ്ങനെയെന്ന കാര്യം വിശദമായി അന്വേഷിക്കുകയാണെന്ന് അഞ്ജുന പൊലീസ് അറിയിച്ചു.
