ലോക ബാഡ്‌മിന്‍റൺ ചാമ്പ്യന്‍ഷിപ്പില്‍ ചൈനീസ് താരം ചെന്‍ യു ഫെയെ തോല്‍പിച്ച് ഇന്ത്യയുടെ പി വി സിന്ധു തുടര്‍ച്ചയായ മൂന്നാം ഫൈനലില്‍. തായ് സു യിങ് എന്ന വമ്പന്‍ കടമ്പ കടന്നെത്തിയ സിന്ധു നേരിട്ടുള്ള ഗെയിമുകള്‍ക്കാണ് വിജയിച്ചത്. സ്‌കോര്‍: 21-7 21- 14.

ചൈനീസ് താരം ചെന്‍ യു ഫെയ്‌ നാലാം സീഡും സിന്ധു അഞ്ചാം സീഡുമായിരുന്നു. ഇരുവരും തമ്മില്‍ പത്ത് തവണ ഏറ്റുമുട്ടിയപ്പോള്‍ ആറാം ജയമാണ് സിന്ധു നേടിയത്. രണ്ടാം സെമിയിലെ റച്ചാനോക് ഇന്‍റാനോണ്‍- നൊസോമി ഒക്കുഹാര മത്സര വിജയിയാവും സിന്ധുവിന്‍റെ എതിരാളി.