കണ്ണൂര്‍: ഒളിംപ്യൻ ടിന്റു ലൂക്ക വിവാഹിതയാകുന്നു. സ്‌പോർട്സ് കൗൺസിലിലെ പരിശീലകനായ അനൂപ് ജോസഫാണ് ടിന്റുവിനൊപ്പം ജീവിതത്തിന്റെ ട്രാക്ക് പങ്കിടാനൊരുങ്ങുന്നത്. ജനുവരി 11നാണ് വിവാഹം.

പല വേദികളിൽ പലവട്ടം കണ്ടിട്ടുണ്ട് ടിന്റു ലൂക്കയും അനൂപ് ജോസഫും. ഇരുവരും കണ്ണൂരുകാരും. പക്ഷേ തങ്ങളുടേത് പ്രണയ വിവാഹമല്ലെന്ന് ടിന്റു. സ്‌പോർട്സ് കൗൺസിലിന്റെ പനമ്പള്ളി നഗർ സെൻട്രലൈസ്ഡ് സ്‌പോർട്സ് ഹോസ്റ്റലിലെ പരിശീലകനാണ് അനൂപ് ജോസഫ്.

ടിന്റുവിനെക്കുറിച്ച് പറയുമ്പോൾ അനൂപിനും നൂറ് നാവ്. ട്രിപ്പിൾ‌ജംപ് താരമായിരുന്ന അനൂപ് ജോസഫ് അഞ്ച് അത്‌ലറ്റുകളുമായി കണ്ണൂർ കായികോത്സവത്തിൽ എത്തിയിട്ടുണ്ട്. മേളയില്‍ ഒളിംപിക് ദീപം തെളിച്ചത് ടിൻറു ലൂക്കയും. അങ്ങനെയാണ് കായികോത്സവ വേദിയിൽ ഇരുവരും കണ്ടുമുട്ടിയത്.