1,197 വിജയികള് 1,710,550 ദിര്ഹമാണ് സമ്മാനമായി സ്വന്തമാക്കിയത്.
ദുബൈ: 2022 ജൂണ് 11ന് രാത്രി യുഎഇയിലെ മഹ്സൂസ് സ്റ്റുഡിയോയില് വെച്ച് നടന്ന 80-ാമത് പ്രതിവാര തത്സമയ ഗ്രാന്ഡ് ഡ്രോയില് 1,197 വിജയികള് 1,710,550 ദിര്ഹത്തിന്റെ സമ്മാനം സ്വന്തമാക്കിയതായി മഹ്സൂസ് മാനേജിങ് ഓപ്പറേറ്റര് ഈവിങ്സ് എല്എല്സി അറിയിച്ചു.
രണ്ടാം സമ്മാനമായ ഒരു മില്യന് ദിര്ഹം പങ്കിട്ടെടുത്ത 21 വിജയികളില് ഓരോരുത്തരും 47,619 ദിര്ഹം വീതം സ്വന്തമാക്കി. നറുക്കെടുത്ത അഞ്ച് സംഖ്യകളില് നാലെണ്ണവും യോജിച്ചു വന്നതോടെയാണ് ഇവര് സമ്മാനാര്ഹരായത്. നറുക്കെടുത്ത അഞ്ച് സംഖ്യകളില് മൂന്നെണ്ണം യോജിച്ച് വന്ന 1,173 പേര് 350 ദിര്ഹം വീതം നേടി. 6, 22, 23, 39, 48 എന്നിവയായിരുന്നു നറുക്കെടുത്ത സംഖ്യകള്.
റാഫിള് ഡ്രോയിലൂടെ മൂന്ന് ഭാഗ്യശാലികള് 100,000 ദിര്ഹം വീതം സ്വന്തമാക്കി. 15336471, 15521074, 15421945 എന്നീ ഐഡികളിലൂടെ വീര, നോര്മന്, ശ്യാം എന്നിവര് യഥാക്രമം വിജയികളായി.
10,000,000 ദിര്ഹത്തിന്റെ ഒന്നാം സമ്മാനം ഇപ്പോഴും വിജയികളെ കാത്തിരിക്കുകയാണ്. 2022 ജൂണ് 18 ശനിയാഴ്ച യുഎഇ സമയം രാത്രി ഒമ്പത് മണിക്ക് നടക്കാനിരിക്കുന്ന അടുത്ത ഗ്രാന്ഡ് ഡ്രോയില് പങ്കെടുക്കുന്നവര്ക്ക് ഇത് സ്വന്തമാക്കാനുള്ള അവസരമാണ് ലഭിക്കുക.
ഈ ആഴ്ചയിലെ നറുക്കെടുപ്പില് പങ്കെടുക്കാന് സാധിക്കാത്തവര്ക്ക് www.mahzooz.ae എന്ന വെബ്സൈറ്റില് രജിസ്റ്റര് ചെയ്ത് 35 ദിര്ഹത്തിന്റെ ബോട്ടില്ഡ് വാട്ടര് വാങ്ങി സംഭാവന ചെയ്യുന്നതിലൂടെ അടുത്ത മഹ്സൂസ് നറുക്കെടുപ്പില് പങ്കെടുക്കാന് കഴിയും. ഓരോ ബോട്ടില്ഡ് വാട്ടര് വാങ്ങുമ്പോഴും ഗ്രാന്ഡ് ഡ്രോയിലേക്കുള്ള ഒരു എന്ട്രി വീതം ലഭിക്കുന്നു. ഇത് കൂടാതെ പ്രതിവാര റാഫിള് ഡ്രോയിലേക്കും ഈ ടിക്കറ്റുകള് ഓട്ടോമാറ്റിക് ആയി എന്റര് ചെയ്യപ്പെടും. ഇതില് നിന്ന് തെരഞ്ഞെടുക്കുന്ന മൂന്ന് ഭാഗ്യശാലികള്ക്ക് 100,000 ദിര്ഹം വീതമാണ് സമ്മാനമായി ലഭിക്കുക.
മാത്രമല്ല ബോട്ടില്ഡ് വാട്ടര് സംഭാവന നല്കുമ്പോള് അത് മഹ്സൂസിന്റെ കമ്മ്യൂണിറ്റി പാര്ട്ണര്മാര് വഴി ആവശ്യക്കാരിലേക്ക് എത്തിച്ചേരുകയും ചെയ്യുന്നു. യോഗ്യരായ എല്ലാവര്ക്കും മഹ്സൂസ് നറുക്കെടുപ്പില് പങ്കാളിത്തം ഉറപ്പാക്കാന് കഴിയും.
'മഹ്സൂസ്' എന്നാല് അറബിയില് 'ഭാഗ്യം' എന്നാണ് അര്ത്ഥം. ജിസിസിയിലെ ആദ്യത്തെ പ്രതിവാര തത്സമയ നറുക്കെടുപ്പായ മഹ്സൂസ്, ആഴ്ചതോറും നല്കുന്ന ലക്ഷക്കണക്കിന് ദിര്ഹത്തിന്റെ സമ്മാനങ്ങളിലൂടെ ജീവിതം മാറ്റിമറിക്കാനുള്ള അവസരമാണൊരുക്കുന്നത്. ജനങ്ങളുടെ സ്വപ്നങ്ങള് സാക്ഷാത്കരിക്കാന് പ്രതിജ്ഞാബദ്ധമാണ് മഹ്സൂസ്. ഒപ്പം സേവനമായി അത് സമൂഹത്തിന് തിരികെ നല്കുകയും ചെയ്യുന്നു.
