തിരുവനന്തപുരം: യു.എ.യില് ഓഗസ്റ്റ് ഒന്നുമുതല് ആരംഭിക്കുന്ന പൊതുമാപ്പ് ഉപയോഗപ്പെടുത്തി നാട്ടിലേക്ക് മടങ്ങാന് ആഗ്രഹിക്കുന്ന മലയാളികളെ സുരക്ഷിതമായും സൗജന്യമായും നാട്ടിലെത്തിക്കുമെന്ന് മുഖ്യമന്ത്രി പിണറായി വിജയന്. ഫേസ്ബുക്ക് പോസ്റ്റിലൂടെയാണ് ഇക്കാര്യം മുഖ്യമന്ത്രി അറിയിച്ചത്.
തിരുവനന്തപുരം: യു.എ.യില് ഓഗസ്റ്റ് ഒന്നുമുതല് ആരംഭിക്കുന്ന പൊതുമാപ്പ് ഉപയോഗപ്പെടുത്തി നാട്ടിലേക്ക് മടങ്ങാന് ആഗ്രഹിക്കുന്ന മലയാളികളെ സുരക്ഷിതമായും സൗജന്യമായും നാട്ടിലെത്തിക്കുമെന്ന് മുഖ്യമന്ത്രി പിണറായി വിജയന്. ഫേസ്ബുക്ക് പോസ്റ്റിലൂടെയാണ് ഇക്കാര്യം മുഖ്യമന്ത്രി അറിയിച്ചത്.
മുഖ്യമന്ത്രിയുടെ ഫേസ്ബുക്ക് പോസ്റ്റ് ഇങ്ങനെ
യു.എ.ഇയില് നിന്ന് പൊതുമാപ്പ് ലഭിക്കുന്ന മലയാളികളെ സുരക്ഷിതമായി നാട്ടിലെത്തിക്കാന് സര്ക്കാര് നടപടി സ്വീകരിക്കും.
നോര്ക്ക റൂട്സ് ഇതിനാവശ്യമായ കാര്യങ്ങള് ചെയ്യും. ആഗസ്റ്റ് 1 മുതല് ഒക്ടോബര് 31 വരെ പൊതുമാപ്പിന് അപേക്ഷിക്കാവുന്നതാണ്. യു. എ. ഇ യിലെ 9 സെന്ററുകള് വഴിയാണ് പൊതുമാപ്പ് നല്കാനുള്ള നടപടികള് ക്രമീകരിച്ചിട്ടുള്ളത്. പൊതുമാപ്പ് ലഭിച്ച് മടങ്ങുന്നവരെ സുരക്ഷിതമായും സൗജന്യമായും നാട്ടിലെത്തിക്കുന്നതിനുള്ള നടപടികളാണ് നോര്ക്ക റൂട് സ് സ്വീകരിക്കുന്നത്. ആഗസ്റ്റ് മധ്യത്തോടെ ആദ്യ സംഘം നാട്ടിലെത്തുമെന്ന് പ്രതീക്ഷിക്കുന്നു. മാപ്പ് ലഭിക്കുന്നവരുടെ വിവരശേഖരണത്തിനുള്ള നടപടികളും സ്വീകരിച്ചിട്ടുണ്ട്. സര്ക്കാരിന്റെ ശ്രമങ്ങളോട് സഹകരിക്കാനും വേണ്ട സഹായങ്ങള് ചെയ്യാനും യു.എ.ഇ. യിലെ പ്രവാസി മലയാളികളോട് അഭ്യര്ത്ഥിക്കുന്നു.
