യുഎഇയില് ഇന്ന് 1803 പേര്ക്ക് കൊവിഡ്. 618 പേര് രോഗമുക്തരായപ്പോള് രാജ്യത്ത് രണ്ട് കൊവിഡ് മരണങ്ങള് കൂടി റിപ്പോര്ട്ട് ചെയ്യപ്പെട്ടു.
അബുദാബി: യുഎഇയില് കൊവിഡ് രോഗികളുടെ എണ്ണം (New covid cases) കുതിച്ചുയരുന്നു. ഇന്ന് പുതിയ രോഗികളുടെ എണ്ണം 1803 ആയി ഉയര്ന്നതായി ആരോഗ്യ - പ്രതിരോധ മന്ത്രാലയം (Ministry of Health and Prevention) അറിയിച്ചു. കഴിഞ്ഞ 24 മണിക്കൂറിനിടെ ചികിത്സയിലായിരുന്ന 618 പേരാണ് രോഗമുക്തരായത് (Covid recoveries). രാജ്യത്ത് കൊവിഡ് ബാധിച്ച് രണ്ട് മരണങ്ങള് (Covid death) കൂടി റിപ്പോര്ട്ട് ചെയ്യപ്പെടുകയും ചെയ്തു.
പുതിയതായി നടത്തിയ 3,34,211 പരിശോധനകളില് നിന്നാണ് പുതിയ രോഗികളെ കണ്ടെത്തിയത്. ആകെ 10.89 കോടിയിലേറെ പരിശോധനകളാണ് രാജ്യത്ത് നടത്തിയിട്ടുള്ളത്. ഇതുവരെയുള്ള കണക്കുകള് പ്രകാരം ആകെ 751,333 പേര്ക്ക് യുഎഇയില് കൊവിഡ് വൈറസ് ബാധ സ്ഥിരീകരിച്ചിട്ടുണ്ട്. ഇവരില് 741,325 പേര് ഇതിനോടകം തന്നെ രോഗമുക്തരായി. 2,158 പേരാണ് രാജ്യത്ത് ആകെ കൊവിഡ് ബാധിച്ച് മരണപ്പെട്ടത്. നിലവില് രാജ്യത്ത് 7,850 കൊവിഡ് രോഗികളാണ് ചികിത്സയിലുള്ളത്.
