ഒമാനില് ഡ്രൈവ് ത്രൂ കൊവിഡ് വാക്സിനേഷന് തുടരും
45 വയസ്സും അതിനു മുകളിലും പ്രായമുള്ളവര്ക്കുള്ള വാക്സിന് സ്വീകരിക്കുവാന് ഈ സംവിധാനം ഉപയോഗപ്പെടുത്താന് കഴിയുമെന്ന് മന്ത്രാലയത്തിന്റെ പ്രസ്താവനയില് പറയുന്നു.
മസ്കറ്റ്: ജൂണ് 13 മുതല് ഒമാന് ഓട്ടോമൊബൈല് അസ്സോസിയേഷനില് ആരംഭിച്ച കൊവിഡ് പ്രതിരോധ ഡ്രൈവ് ത്രൂ വാക്സിനേഷന് രണ്ടാമത്തെ ആഴ്ചയും തുടരുമെന്ന് ഒമാന് ആരോഗ്യ മന്ത്രാലയം അറിയിച്ചു. 45 വയസ്സും അതിനു മുകളിലും പ്രായമുള്ളവര്ക്കുള്ള വാക്സിന് സ്വീകരിക്കുവാന് ഈ സംവിധാനം ഉപയോഗപ്പെടുത്താന് കഴിയുമെന്ന് മന്ത്രാലയത്തിന്റെ പ്രസ്താവനയില് പറയുന്നു. ഞായര് മുതല് വ്യാഴം വരെ വൈകുന്നേരം 4 മണി മുതല് 9 വരെയായിരിക്കും വാക്സിന് ലഭിക്കുക.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്കീ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona