യുഎഇയില് നേരിയ ഭൂചലനം അനുഭവപ്പെട്ടതായി കാലാവസ്ഥാ നിരീക്ഷണ കേന്ദ്രം
ഷാര്ജയിലെ അല് ഫയ പ്രദേശത്ത് വെള്ളിയാഴ്ച രാത്രി 7.44നാണ് റിക്ടര് സ്കെയിലില് 2.4 തീവ്രത രേഖപ്പെടുത്തിയ ഭൂചലനമുണ്ടായത്.
ഷാര്ജ: യുഎഇയിലെ ഷാര്ജയില്(Sharjah) നേരിയ ഭൂചലനം(Earthquake) അനുഭവപ്പെട്ടു. ഷാര്ജയിലെ അല് ഫയ പ്രദേശത്ത് വെള്ളിയാഴ്ച രാത്രി 7.44നാണ് റിക്ടര് സ്കെയിലില് 2.4 തീവ്രത രേഖപ്പെടുത്തിയ ഭൂചലനമുണ്ടായത്.
യുഎഇയില് ഭൂചലനങ്ങള് നിരീക്ഷിക്കുന്ന, ദേശീയ കാലാവസ്ഥാ കേന്ദ്രത്തിലെ സീസ്മോളജി വിഭാഗമാണ് ഇക്കാര്യം അറിയിച്ചത്. ഒക്ടോബര് 14ന് അല് ഫുജൈറയിലെ ദിബ്ബയില് 1.9 തീവ്രത രേഖപ്പെടുത്തിയ ഭൂചലനം അനുഭവപ്പെട്ടതായി ദേശീയ കാലാവസ്ഥാ കേന്ദ്രം അറിയിച്ചിരുന്നു. പ്രദേശത്ത് ചെറിയ പ്രകടമ്പനം മാത്രമാണ് അനുഭവപ്പെട്ടത്.
ആശുപത്രിയില് വെച്ച് മുഖത്തടിയേറ്റ റിങ്കുവിനെ ഓര്മയില്ലേ? റിങ്കു ഇപ്പോള് ദുബൈയിലാണ്
പ്രവാസികളുടെ പോക്കറ്റ് കാലിയാക്കുന്ന ഫോണ് കോളുകള്; ജാഗ്രത വേണമെന്ന് മുന്നറിയിപ്പ്
ദുബൈ: പൊലീസിന്റെയും മറ്റ് ബാങ്ക് ഉള്പ്പെടെയുള്ള മറ്റ് സ്ഥാപനങ്ങളുടെയും പേരില് ഫോണ് കോളുകളിലൂടെയും സന്ദേശങ്ങളയച്ചും പണം തട്ടാന് ശ്രമം. നിരവധി പ്രവാസികള്ക്കാണ് കഴിഞ്ഞ ദിവസങ്ങളില് ഇത്തരത്തിലുള്ള ഫോണ് കോളുകള് ലഭിച്ചത്. ബാങ്കില് നിന്നെന്ന് പറഞ്ഞായിരുന്നു നേരത്തെ കോളുകള് ലഭിച്ചിരുന്നെങ്കില് ഇപ്പോള് പൊലീസിന്റെ പേരിലും തട്ടിപ്പുകള്ക്ക് ശ്രമം നടക്കുന്നുണ്ട്.
കൊവിഡ് വാക്സിനേഷന്റെ പേര് പറഞ്ഞും ഇപ്പോള് തട്ടിപ്പുകാരുടെ ഫോണ് കോളുകള് ലഭിക്കാറുണ്ടെന്ന് പ്രവാസികളിലെ അനുഭവസ്ഥര് പറയുന്നു. ദുബൈ പൊലീസില് നിന്നെന്ന് അവകാശപ്പെട്ട് ചിലര്ക്ക് ലഭിക്കുന്ന കോളുകളില് എമിറേറ്റ്സ് ഐ.ഡി വിശദാംശങ്ങളാണ് ചോദിച്ചിരുന്നത്. കൊവിഡ് വാക്സിനേഷന് പരിശോധിക്കാനും അനധികൃത താമസക്കാരെ കണ്ടെത്താനുള്ള നടപടികളുടെ ഭാഗമാണെന്നുമായിരുന്നു പറഞ്ഞത്. പിന്നീട് പൊലീസില് നിന്ന് നിങ്ങള്ക്ക് ഒ.ടി.പി ലഭിക്കുമെന്നും അത് പറഞ്ഞ് തരണമെന്നുമായി ആവശ്യം. നേരത്തെ തട്ടിപ്പുകളെക്കുറിച്ച് ബോധവാന്മാരായിരുന്നവര് ഒ.ടി.പി കൈമാറാതെ കോള് കട്ട് ചെയ്തു. പൊലീസില് നിന്നുള്ള ഫോണ് കോള് കട്ട് ചെയ്തതിന് പൊലീസ് സ്റ്റേഷനിലെത്തി വന്തുക പിഴ അടയ്ക്കണമെന്ന് ആവശ്യപ്പെട്ടും പലര്ക്കും പിന്നാലെ കോളുകള് ലഭിച്ചു. ഇത്തരത്തിലുള്ള ഫോണ് കോളുകളോടും സന്ദേശങ്ങളോടും പ്രതികരിക്കുമ്പോള് അതീവ ജാഗ്രത പുലര്ത്തണമെന്ന് അധികൃതര് പല തവണ മൂന്നറിയിപ്പ് നല്കിയിട്ടുണ്ട്.