രാത്രി 9.25ന് ദുബൈയില് നിന്ന് പുറപ്പെടുന്ന വിമാനം പുലര്ച്ചെ 2.30ന് ബെംഗളൂരുവില് ഇറങ്ങും.
ദുബൈ: ദുബൈ-ബെംഗളൂരു സെക്ടറില് എ 380 വിമാന സര്വീസുമായി എമിറേറ്റ്സ് എയര്ലൈന്. രാത്രി 9.25ന് ദുബൈയില് നിന്ന് പുറപ്പെടുന്ന വിമാനം പുലര്ച്ചെ 2.30ന് ബെംഗളൂരുവില് ഇറങ്ങും. തിരികെ പുലര്ച്ചെ 4.30ന് ബെംഗളൂരുവില് നിന്ന് പുറപ്പെട്ട് 7.10ന് ദുബൈയില് എത്തും. ഇകെ 568, ഇകെ 569 എന്നീ വിമാനങ്ങളാണ് സര്വീസ് നടത്തുക. എമിറേറ്റ്സിന്റെ എ 380 വിമാനം സര്വീസ് നടത്തുന്ന ഇന്ത്യയിലെ രണ്ടാമത്തെ നഗരമാണ് ബെംഗളൂരു.
Read More - ആകാശത്തെ കീഴടക്കാൻ 'ആകാശ എയർ'; ദില്ലിയിലെ ആദ്യ സർവീസിന് ആരംഭം
അതേസമയം സൗദി അറേബ്യയിൽ നിന്ന് പ്രതിദിനം 38 സ്പെഷ്യൽ സർവീസുകള് പ്രഖ്യാപിച്ച് ഫ്ലൈ അദീൽ വിമാന കമ്പനി. സൗദി അറേബ്യൻ എയർലൈൻസ് വിമാന കമ്പനിയുടെ ബജറ്റ് വിമാന കമ്പനിയാണ് ഫ്ലൈ അദീൽ. സൗദി അറേബ്യന് ടീമിന്റെ മത്സരങ്ങൾ നടക്കുന്ന ദിവസങ്ങളിലാണ് റിയാദ്, ജിദ്ദ, ദമ്മാം എയർപോർട്ടുകളിൽനിന്ന് ഫ്ളൈ അദീൽ പ്രതിദിനം 38 സർവീസുകൾ വീതം നടത്തുക. മത്സരം നടക്കുന്ന ദിവസം ദോഹയിൽ എത്തി കളി കണ്ടു അതേദിവസം തന്നെ സൗദിയിലേക്ക് മടങ്ങാൻ അവസരമൊരുക്കുന്ന നിലയിലാണ് വിമാന സർവീസുകൾ നടത്തുന്നത്. ജിദ്ദയിൽനിന്ന് ആറും റിയാദ്, ദമ്മാം എന്നിവിടങ്ങളിൽ നിന്ന് 16 വീതവും സർവീസുകളാണ് ദോഹയിലേക്ക് ഫ്ലൈ അദീൽ നടത്തുക. ഈ സർവീസുകളിൽ ഓഫർ നിരക്കിൽ ടിക്കറ്റുകൾ ലഭ്യമാണ്.
Read More - കുറഞ്ഞ നിരക്കില് കേരളത്തിലേക്ക് പറക്കാം; പരിമിതകാല ഓഫറുമായി വിമാന കമ്പനി
കൊവിഡിന് ശേഷം ലോകത്തു തന്നെ നടക്കാനിരിക്കുന്ന ഏറ്റവും വലിയ ആഘോഷമാക്കി ഫിഫ ലോകകപ്പ് മത്സരങ്ങളെ മാറ്റാനുള്ള തയ്യാറെടുപ്പിലാണ് ഖത്തര്. ലോകത്തിന്റെ വിവിധ ഭാഗങ്ങളില് നിന്ന് 15 ലക്ഷത്തിലധികം പേര് ഖത്തറിലെത്തുമെന്നാണ് കരുതപ്പെടുന്നത്. മത്സരങ്ങള് നടക്കുന്ന സമയത്ത് ടിക്കറ്റുള്ള ഫുഡ്ബോള് ആരാധകര്ക്ക് മാത്രമായിരിക്കും രാജ്യത്തേക്ക് പ്രവേശനം അനുവദിക്കുക.
