കൊവിഡ്: കുവൈത്തില്‍ അഞ്ചാം ഘട്ട നിയന്ത്രണം നീക്കല്‍ വാക്സിന് എത്തിയ ശേഷം
വാക്സിന് ലഭ്യമാകുകയോ കൊവിഡ് പൂര്‍ണമായും നിയന്ത്രണ വിധേയമാകുകയോ ചെയ്യാതെ അഞ്ചാം ഘട്ടം ആരംഭിക്കേണ്ടെന്നാണ് മന്ത്രിസഭയുടെ തീരുമാനം.
കുവൈത്ത് സിറ്റി: കുവൈത്തില്‍ കൊവിഡ് പ്രതിരോധത്തിനായി ഏര്‍പ്പെടുത്തിയ നിയന്ത്രണങ്ങള്‍ നീക്കുന്നതിന്റെ അഞ്ചാം ഘട്ടം വാക്സിന് എത്തിയതിന് ശേഷം. ആളുകള്‍ കൂടുതല്‍ പങ്കെടുക്കുന്ന വിവാഹം, പൊതുചടങ്ങുകള്‍, കുടുംബ സംഗമങ്ങള്‍, സമ്മേളനങ്ങള്‍, സിനിമ നാടക തിയേറ്റര്‍, പ്രദര്‍ശങ്ങള്‍, ട്രെയിനിങ് കോഴ്‌സുകള്‍ എന്നിവയ്ക്ക് അനുമതി നല്‍കുന്നത് അഞ്ചാം ഘട്ടത്തിലാണ്.
ഈ ഘട്ടത്തിലാണ് സര്‍ക്കാര്‍ ഓഫീസുകളില്‍ 50 ശതമാനത്തിലേറെ ഹാജര്‍ നിലയില്‍ പ്രവര്‍ത്തിക്കുന്നതും. വാക്സിന് ലഭ്യമാകുകയോ കൊവിഡ് പൂര്‍ണമായും നിയന്ത്രണ വിധേയമാകുകയോ ചെയ്യാതെ അഞ്ചാം ഘട്ടം ആരംഭിക്കേണ്ടെന്നാണ് മന്ത്രിസഭയുടെ തീരുമാനം. ഓഗസ്റ്റ് 23 മുതല്‍ അഞ്ചാം ഘട്ടം ആരംഭിക്കുമെന്ന് നേരത്തെ അറിയിച്ചിരുന്നെങ്കിലും ഇതുവരെ ആരംഭിച്ചിട്ടില്ല
