കൊവിഡ് വാക്‌സിന്റെ ആദ്യ ബാച്ച് ഒമാനിലെത്തി
ഗുരുതര രോഗങ്ങളുള്ളവര്‍ക്കും ആരോഗ്യപ്രവര്‍ത്തകര്‍ക്കും ഉള്‍പ്പെടെ മുന്‍ഗണനാ പട്ടികയിലുള്ളവര്‍ക്കാണ് ആദ്യ ഘട്ടത്തില്‍ വാക്‌സിന്‍ നല്‍കുക.
മസ്‌കറ്റ്: ആദ്യ ബാച്ച് ഫൈസര്‍ വാക്‌സിന്‍ വ്യാഴാഴ്ച ഒമാനിലെത്തി.15,600 ഡോസ് വാക്‌സിന്‍ മസ്‌കറ്റ് അന്താരാഷ്ട്ര വിമാനത്താവളത്തില്‍ ഇന്നലെ വൈകുന്നേരത്തോടുകൂടിയാണ് എത്തിച്ചേര്‍ന്നത്. ഒമാനില്‍ ഞായറാഴ്ച മുതല്‍ വാക്‌സിനേഷന്‍ പ്രചാരണം ആരംഭിക്കും.
ഞായറാഴ്ച ആരോഗ്യ മന്ത്രി ഡോ. അഹമ്മദ് അല്‍ സഈദി വാക്‌സിന്റെ ആദ്യ ഡോസ് സ്വീകരിച്ച് വാക്‌സിനേഷന്‍ ക്യാമ്പയിന്‍ ഉദ്ഘാടനം ചെയ്യും. ഗുരുതര രോഗങ്ങളുള്ളവര്‍ക്കും ആരോഗ്യപ്രവര്‍ത്തകര്‍ക്കും ഉള്‍പ്പെടെ മുന്‍ഗണനാ പട്ടികയിലുള്ളവര്‍ക്കാണ് ആദ്യ ഘട്ടത്തില്‍ വാക്‌സിന്‍ നല്‍കുക. 21 ദിവസത്തിന്റെ ഇടവേളകളിലായി രണ്ട് ഡോസ് വീതം ഒരാള്‍ക്ക് നല്‍കും.
Last Updated Dec 25, 2020, 9:26 AM IST
