കൊവിഡ് പ്രോട്ടോക്കോള് ലംഘിച്ച് ഒത്തുകൂടി; ഒമാനില് നിരവധി പേര് അറസ്റ്റില്
സുപ്രീം കമ്മിറ്റിയുടെ നിര്ദേശങ്ങള് ലംഘിച്ചതിന് ഇവര്ക്കെതിരെ നിയമ നടപടി സ്വീകരിച്ചതായും റോയല് ഒമാന് പൊലീസിന്റെ അറിയിപ്പില് പറയുന്നു.
മസ്കറ്റ്: കൊവിഡ് പ്രോട്ടോക്കോള് ലംഘിച്ച് ഒത്തുചേരല് നടത്തിയ രണ്ടു സംഘത്തെ റോയല് ഒമാന് പൊലീസ് അറസ്റ്റു ചെയ്തു. കൊവിഡ് 19 മഹാമാരിയെ പ്രതിരോധിക്കുവാന് ഒമാന് സുപ്രീം കമ്മിറ്റി നടപ്പിലാക്കിയിരിക്കുന്ന നിര്ദ്ദേശങ്ങള് ലംഘിച്ച് രണ്ട് വ്യത്യസ്ത സ്ഥലങ്ങളില് ഒത്തുചേര്ന്ന പൗരന്മാരെ വടക്കന് ശര്ഖിയ പൊലീസ് കമാന്ഡ് അറസ്റ്റ് ചെയ്തുവെന്ന് റോയല് ഒമാന് പൊലീസ് ട്വിറ്ററിലൂടെ അറിയിച്ചു. സുപ്രീം കമ്മിറ്റിയുടെ നിര്ദേശങ്ങള് ലംഘിച്ചതിന് ഇവര്ക്കെതിരെ നിയമ നടപടി സ്വീകരിച്ചതായും റോയല് ഒമാന് പൊലീസിന്റെ അറിയിപ്പില് പറയുന്നു.