ഷാര്‍ജ തുറമുഖത്ത് ചരക്ക് കപ്പലിന് തീപിടിച്ചു
ചൊവ്വാഴ്ച രാത്രി പത്ത് മണിയോടെയാണ് തീ പടര്‍ന്ന് പിടിച്ചത്. വലിയ ശബ്ദത്തോടെ സ്ഫോടനങ്ങളും ഉണ്ടായി. രാത്രി വൈകിയും തീ അണയ്ക്കാനുള്ള ശ്രമങ്ങള്‍ പുരോഗമിക്കുകയാണ്.
ഷാര്‍ജ: ഖാലിദിയ തുറമുഖത്ത് ചരക്ക് കപ്പലിൽ വൻ തീപിടിത്തം. ഇറാനിലേക്ക് കൊണ്ടുപോകാനായി നിറയെ വാഹനങ്ങളും മറ്റ് ചരക്കുകളും നിറച്ച കപ്പലിലാണ് തീപടർന്നത്.
ചൊവ്വാഴ്ച രാത്രി പത്ത് മണിയോടെയാണ് തീ പടര്‍ന്ന് പിടിച്ചത്. വലിയ ശബ്ദത്തോടെ സ്ഫോടനങ്ങളും ഉണ്ടായി. രാത്രി വൈകിയും തീ അണയ്ക്കാനുള്ള ശ്രമങ്ങള്‍ പുരോഗമിക്കുകയാണ്.
ആര്‍ക്കും പരിക്കില്ലെന്നാണ് ഗള്‍ഫ് ന്യൂസ് റിപ്പോര്‍ട്ട് ചെയ്യുന്നത്. ചരക്ക് കപ്പലിലെ ജീവനക്കാര്‍ ഷാര്‍ജ പൊലീസിനൊപ്പം സുരക്ഷിതരാണെന്ന് ഷാര്‍ജ സിവില്‍ ഡിഫന്‍സ് ഡിജി കേണല്‍ സാമി കാമീസ് അല്‍ നഖ്വവി അറിയിച്ചു.
