ഉയര്ന്ന ശമ്പളവും, ഹോട്ടല് താമസവും, വീസയും, തിരികെയുളള വിമാനടിക്കറ്റും വാഗ്ദാനം ചെയ്താണ് തട്ടിപ്പ്. ഇന്ത്യയിലേയും ദുബായിലേയും ബാങ്കോക്കിലേയും ഏജന്റുമാരാണ് തട്ടിപ്പിന് പിന്നിലെന്ന് ശ്രദ്ധയില് പെട്ടിട്ടുണ്ട്.
ബാങ്കോക്ക്: തായ്ലന്റിലേയ്ക്ക് ഡിജിറ്റല് മാര്ക്കറ്റിങ്ങ്, മാര്ക്കറ്റിങ്ങ് എക്സിക്യൂട്ടിവ് തുടങ്ങിയ മേഖലകളില് വ്യാജ റിക്രൂട്ട്മെന്റുകള് ശ്രദ്ധയില്പ്പെട്ടിട്ടുണ്ടെന്നും ഇക്കാര്യത്തില് ഉദ്യോഗാര്ത്ഥികള് ജാഗ്രത പാലിക്കണമെന്നും ബാങ്കോക്കിലെ ഇന്ത്യന് എംബസി അറിയിച്ചു.
ഉയര്ന്ന ശമ്പളവും, ഹോട്ടല് താമസവും, വീസയും, തിരികെയുളള വിമാനടിക്കറ്റും വാഗ്ദാനം ചെയ്താണ് തട്ടിപ്പ്. ഇന്ത്യയിലേയും ദുബായിലേയും ബാങ്കോക്കിലേയും ഏജന്റുമാരാണ് തട്ടിപ്പിന് പിന്നിലെന്ന് ശ്രദ്ധയില് പെട്ടിട്ടുണ്ട്. കൂടുതലും മ്യാന്മാര് അതിര്ത്തിയിലൂടെയാണ് അനധികൃതമായി ഉദ്യോഗാര്ത്തികളെ തായ്ലാന്റില് എത്തിക്കുന്നത്. പലരും ദുരിതപൂര്ണ്ണമായ സാഹചര്യത്തില് ജോലിചെയ്യാന് നിര്ബന്ധിക്കപ്പെട്ട നിലയിലാണ്. അനധികൃത കുടിയേറ്റത്തിന് ചിലര് തായ്ലന്റ് അധികൃതരുടെ പിടിയിലുമായിട്ടുണ്ട്.
ഖത്തറിലേക്ക് നോര്ക്ക റൂട്ട്സ് വഴി റിക്രൂട്ട്മെന്റിന് അവസരം
വീസാ ഓണ് അറ്റെവല് വഴി എത്തുന്ന ഇന്ത്യന് പൗരന്ന്മാര്ക്ക് തൊഴില് വീസയോ പെര്മിറ്റോ തായ്ലാന്റ് ഗവണ്മെന്റ് അനുവദിക്കാറില്ല. ആയതിനാല് ഇത്തരം വ്യാജ റിക്രൂട്ട്മെന്റ് ചതികളില് വീഴാതിരിക്കാന് ഉദ്യോഗാര്ത്ഥികള് ശ്രദ്ധിക്കണമെന്നാണ് ഇന്ത്യന് എംബസി ജാഗ്രതാ നിര്ദ്ദേശം. ജോലിയിലേയ്ക്ക് പ്രവേശിക്കും മുമ്പ് ഏജന്റിനെക്കുറിച്ചും ജോലി നല്കുന്ന സ്ഥാപനത്തെക്കുറിച്ചും വ്യക്തമായി മനസ്സിലാക്കണമെന്നും എംബസി അധികൃതര് അറിയിച്ചു.
ജര്മ്മനിയിലേക്ക് റിക്രൂട്ട്മെന്റ്; 300 നഴ്സുമാര്ക്ക് അവസരം
തിരുവനന്തപുരം: കേരളത്തില് നിന്നുളള നഴ്സിങ്ങ് പ്രൊഫഷണലുകളെ ജര്മ്മനിയിലേയ്ക്ക് റിക്രൂട്ട് ചെയ്യുന്ന നോര്ക്കാ റൂട്ട്സിന്റെ ട്രിപ്പിള് വിന് പ്രോഗ്രാം വിജയകരമായ രണ്ടാം ഘട്ടത്തിലേക്ക് കടക്കുകയാണ്. രണ്ടാം ഘട്ടത്തില് 300 നഴ്സിങ്ങ് പ്രൊഫഷണലുകളുടെ ഒഴിവുകളിലേയ്ക്കാണ് റിക്രൂട്ട്മെന്റ് നടത്തുക. നഴ്സിംഗില് ബിരുദമോ ഡിപ്ലോമയോ ഉള്ള കുറഞ്ഞത് ഒരു വര്ഷത്തെ പ്രവര്ത്തി പരിചയമുള്ളവര്ക്ക് ആഗസ്റ്റ് 16 മുതല് അപേക്ഷിക്കാം. അവസാന തീയതി ആഗസ്റ്റ് 25.
റിക്രൂട്ട്മെന്റ് പൂര്ണ്ണമായും സൗജന്യമാണ്. നവംബര് 1 മുതല് 11 വരെ തിരുവനന്തപുരത്ത് ജര്മ്മന് പ്രതിനിധികള് നേരിട്ട് നടത്തുന്ന അഭിമുഖത്തിലൂടെയാണ് ഉദ്യോഗാര്ത്ഥികളെ തിരഞ്ഞെടുക്കുന്നത്. മൂന്ന് വര്ഷമോ അതിനുമുകളിലോ പ്രവര്ത്തി പരിചയമുള്ളവര്, ജര്മ്മന് ഭാഷാ പ്രാവീണ്യമുള്ളവര്, ഹോം കെയര്/നഴ്സിംഗ് ഹോം പ്രവര്ത്തി പരിചയമുള്ളവര്, തീവ്ര പരിചരണം/ ജറിയാട്രിക്സ്/ കാര്ഡിയോളജി/ ജനറല് വാര്ഡ്/സര്ജിക്കല്-മെഡിക്കല് വാര്ഡ്/ നിയോനാറ്റോളജി/ ന്യൂറോളജി/ഓര്ത്തോപീഡിക്സും അനുബന്ധ മേഖലകളും/ഓപ്പറേഷന് തീയേറ്റര്/സൈക്യാട്രി എന്നീ മേഖലയില് പ്രവര്ത്തി പരിചയമുള്ളവര് തുടങ്ങിയ അപേക്ഷകര്ക്ക് മുന്ഗണന ലഭിക്കും.
ഗള്ഫില് വാഹനാപകടത്തില് മരിച്ച മലയാളികളുടെ കുടുംബത്തിന് നോര്ക്ക ഇന്ഷുറന്സ് തുക വിതരണം ചെയ്തു
താല്പര്യമുള്ള ഉദ്യോഗാര്ത്ഥികള് നോര്ക്ക-റൂട്ട്സിന്റെ വെബ്സൈറ്റ് www.norkaroots.org സന്ദര്ശിച്ച് 2022 ആഗസ്റ്റ് മാസം 16 മുതല് അപേക്ഷ സമര്പ്പിയ്ക്കാവുന്നതാണെന്ന് നോര്ക്ക-റൂട്ട്സ് ചീഫ് എക്സിക്യൂട്ടീവ് ഓഫീസര് അറിയിച്ചു. അപേക്ഷയോടൊപ്പം CV, ഡിഗ്രി/ഡിപ്ലോമ സര്ട്ടിഫിക്കറ്റ്, German Language Certificate, രജിസ്ട്രേഷന് സര്ട്ടിഫിക്കറ്റ്, എക്സ്പീരിയന്സ് സൂചിപ്പിക്കുന്ന ഏറ്റവും ഒടുവിലത്തെ സര്ട്ടിഫിക്കറ്റുകള്, പാസ്പോര്ട്ട് എന്നിവ സ്കാന് ചെയ്ത് ഒറ്റ പി.ഡി.എഫ് ആയി അപ്പ് ലോഡ് ചെയ്യേണ്ടതാണ്. പ്രവര്ത്തിപരിചയ കാലയളവും, ഡിപ്പാര്ട്ട്മെന്റുകളും ഏറെ പ്രധാനമായതിനാല് മുഴുവന് എക്സ്പീരിയന്സ് സര്ട്ടിഫിക്കറ്റും അപ്പ്ലോഡ് ചെയ്യാന് ശ്രദ്ധിക്കുക. കൂടുതല് വിവരങ്ങള്ക്ക് 1800-425-3939 (India), +91-8802012345( International) ടോള് ഫ്രീ നമ്പറില് ബന്ധപ്പെടാവുന്നതാണ്.
