മസ്‍കത്ത്: ബജറ്റ് എയര്‍ലൈനായ ഇന്റിഗോ മസ്‍കത്തില്‍ നിന്ന് കൊച്ചിയിലേക്കുള്ള സര്‍വീസുകള്‍ പുനരാരംഭിക്കുന്നു. ഫെബ്രുവരി 16 മുതല്‍ മസ്‍കത്തില്‍ നിന്നുള്ള സര്‍വീസ് ആരംഭിക്കുമെന്നാണ് കമ്പനി അധികൃതര്‍ അറിയിച്ചിരിക്കുന്നത്. 

പ്രവാസികളുടെ യാത്രാദുരിതം വര്‍ദ്ധിപ്പിച്ച് കഴിഞ്ഞ വര്‍ഷമാണ് ഇന്റിഗോ കൊച്ചി സര്‍വീസുകള്‍ നിര്‍ത്തിവെച്ചത്. ഒമാന്റെ ദേശീയ എയര്‍ലൈനായ ഒമാന്‍ എയറും എയര്‍ ഇന്ത്യ എക്സ്‍പ്രസും മാത്രമാണ് മസ്കത്തില്‍ നിന്ന് കൊച്ചിയിലേക്ക് ഇപ്പോള്‍ നേരിട്ട് സര്‍വീസുകള്‍ നടത്തുന്നത്. ഫെബ്രുവരി 16 മുതല്‍ ഇന്റിഗോ വീണ്ടും സര്‍വീസ് തുടങ്ങുമെന്ന പ്രഖ്യാപനം പ്രവാസികള്‍ക്ക് ഏറെ ആശ്വാസം പകരുന്നതാണ്.