പ്രവാസികള്ക്ക് സന്തോഷവാര്ത്ത; തിരുവനന്തപുരത്ത് നിന്നും ദമ്മാമിലേക്ക് നേരിട്ടുള്ള സർവീസുമായി ഇന്ഡിഗോ
എല്ലാ ദിവസവും ഉച്ചക്ക് രണ്ടിന് തിരുവനന്തപുരത്ത് നിന്നും പുറപ്പെടുന്ന വിമാനം വൈകീട്ട് അഞ്ചിന് ദമ്മാമില് എത്തും. തിരികെയുള്ള സർവീസുകള് മാര്ച്ച് 29 വരെ പുലർച്ചെ 5.25ന് ദമ്മാമില് നിന്ന് പുറപ്പെട്ട് ഉച്ചക്ക് 12.35ന് തിരുവനന്തപുരത്ത് എത്തും.
റിയാദ്: തിരുവനന്തപുരം - ദമ്മാം റൂട്ടിലെ യാത്രക്കാരുടെ യാത്രാദുരിതത്തിന് പരിഹാരം. തിരുവനന്തപുരത്ത് നിന്ന് ദമ്മാമിലേക്ക് ഇന്ഡിഗോ നേരിട്ടുള്ള സർവീസ് ആരംഭിക്കുന്നു. മാര്ച്ച് ഏഴ് മുതലാണ് പുതിയ പ്രതിദിന സർവീസ് ആരംഭിക്കുന്നത്.
എല്ലാ ദിവസവും ഉച്ചക്ക് രണ്ടിന് തിരുവനന്തപുരത്ത് നിന്നും പുറപ്പെടുന്ന വിമാനം വൈകീട്ട് അഞ്ചിന് ദമ്മാമില് എത്തും. തിരികെയുള്ള സർവീസുകള് മാര്ച്ച് 29 വരെ പുലർച്ചെ 5.25ന് ദമ്മാമില് നിന്ന് പുറപ്പെട്ട് ഉച്ചക്ക് 12.35ന് തിരുവനന്തപുരത്ത് എത്തും. മാർച്ച് 30 മുതല് രാത്രി 12.55ന് പുറപ്പെട്ട് രാവിലെ 8.20ന് തിരുവനന്തപുരത്ത് എത്തുന്ന രീതിയിലാണ് സർവീസ് ക്രമീകരണം.
ഏറെ ജനപ്രിയ വിമാനസർവീസ് ആയിരുന്ന ജെറ്റ് എയര്വേയ്സ് മുഴുവന് സർവീസുകളും നിര്ത്തലാക്കിയ ശേഷം ദുരിതത്തിലായ യാത്രക്കാര്ക്ക്, പ്രത്യേകിച്ച് കുടുംബങ്ങൾക്ക് പുതിയ സർവീസ് ഏറെ ആശ്വാസമാകും. 30 കിലോ ബാഗേജും ഏഴുകിലോ ഹാൻഡ് ബാഗുമാണ് അനുവദിച്ചിരിക്കുന്നത്.