അല്ഖുവയിലെ റാഷിദലി കഫ്തീരിയ ജീവനക്കാരനായിരുന്നു.
അല് ഐന്: യുഎഇയിലെ അല് ഐനില് പ്രവാസി മലയാളി ഹൃദയാഘാതം മൂലം മരിച്ചു. പാലക്കാട് വല്ലപ്പുഴ കുറുവട്ടൂര് സ്വദേശി അബ്ദുല് മജീദ് (49) ആണ് അല് ഐനിലെ അല്ഖുവയില് നിര്യാതനായത്. അല്ഖുവയിലെ റാഷിദലി കഫ്തീരിയ ജീവനക്കാരനായിരുന്നു. പിതാവ്: പരേതനായ കൊടക്കാടന് മൊയ്തുപ്പ, മാതാവ്: പരേതയായ ആസിയ. ഭാര്യ: സാജിത, മക്കള്: മുജീബ്, ബുഷ്റ, മുഹ്സിന. മരുമകന്: മീരാന്.
പ്രവാസി മലയാളി ഹൃദയാഘാതത്തെ തുടര്ന്ന് മരിച്ചു
യുഎഇയില് കാറപകടത്തില് മലയാളി നഴ്സ് മരിച്ചു
ഷാര്ജ: ഷാര്ജയിലുണ്ടായ കാറപകടത്തില് മലയാളി നഴ്സ് മരിച്ചു. കോട്ടയം നെടുംകുന്നം വാര്ഡ് മൂന്ന് കിഴക്കേറ്റം ബാബുവിന്റെ മകള് ചിഞ്ചു ജോസഫാണ് (29) മരിച്ചത്. ദുബൈ മന്ഖൂല് ആസ്റ്റര് ആശുപത്രിയിലെ നഴ്സായിരുന്നു.
അല് നഹ്ദയിലാണ് സംഭവം. വ്യാഴാഴ്ച വൈകിട്ട് ജോലി കഴിഞ്ഞ് താമസസ്ഥലത്തേക്ക് മടങ്ങുന്നതിനിടെ റോഡ് മുറിച്ചു കടക്കുമ്പോള് കാറിടിക്കുകയായിരുന്നു. ഉടന് അല് ഖാസിമിയ ആശുപത്രിയില് എത്തിച്ചെങ്കിലും രക്ഷിക്കാനായില്ല. ഭര്ത്താവും നാല് വയസ്സുള്ള മകളുമുണ്ട്.
എട്ട് തസ്തികകളിൽ ഇനി പ്രവാസികളെ നിയമിക്കാനാവില്ല; നിലവിലുള്ളവർ മറ്റൊരു തസ്തികയിലേക്ക് മാറണം
റിയാദ്: ലേബർ (ആമിൽ) ഉൾപ്പടെയുള്ള എട്ട് തസ്തികകളിൽ ഇനി സൗദിയിലേക്ക് വിദേശ റിക്രൂട്ട്മെന്റില്ല. ഡോക്ടർ, സ്പെഷ്യലിസ്റ്റ്, എൻജിനീയർ, സാങ്കേതിക വിദഗ്ദ്ധൻ, പ്രത്യേക വിഷയത്തിലെ വിദഗ്ധൻ, കൺട്രോൾ ടെക്നീഷ്യൻ, തൊഴിലാളി, സാദാ തൊഴിലാളി എന്നീ തസ്തികകളിൽ നിലവിലുള്ളവർ മറ്റൊരു തസ്തികയിലേക്ക് മാറണം. അത് മാറ്റാൻ തൊഴിലാളിയുടെ അനുമതി കൂടാതെ തന്നെ ഇനി തൊഴിലുടമക്ക് കഴിയും.
തൊഴിലാളി, സാദാ തൊഴിലാളി എന്നീ തസ്തികകളുടെ മാറ്റത്തിനുള്ള ഫീസും ഒഴിവാക്കി. തൊഴിൽ മന്ത്രാലയത്തിന്റെ ‘ക്വിവ’ പ്ലാറ്റ്ഫോമിൽ ഫീസ് നൽകാതെ തസ്തിക തിരുത്തുന്ന നടപടി ആരംഭിച്ചു. തൊഴിലുടമകൾക്ക് തങ്ങളുടെ കീഴിൽ ‘തൊഴിലാളി’, ‘സാദാ തൊഴിലാളി’ എന്നീ തസ്തികകളിലുള്ള ജീവനക്കാരെ 67 തസ്തികകളിൽ ഒന്നിലേക്ക് മാറ്റാനാകും.
പ്രവാസി മലയാളി സ്ത്രീ നിര്യാതയായി
മേൽപ്പറഞ്ഞ എട്ട് തൊഴിലുകളിൽ ഇനി വിദേശ തൊഴിലാളികളെ റിക്രൂട്ട് ചെയ്യാൻ അനുവദിക്കില്ല. തൊഴിലാളികളുടെ റിക്രൂട്ടിങ് നടത്തുമ്പോൾ ഏത് തസ്തികകളിലേക്കാണ് എന്ന് കൃത്യമായ വിവരണം നൽകേണ്ടതുണ്ട്. ക്വിവ ഫ്ലാറ്റ്ഫോമിലൂടെ തൊഴിൽ മാറ്റം നടത്താൻ അനുവാദം കമ്പനികൾക്ക് മാത്രമാണ്. വ്യക്തിഗത സ്പോൺഷിപ്പിലുള്ളവർക്ക് ഈ പ്ലാറ്റ്ഫോമിലൂടെ തൊഴിൽ മാറ്റാനാകില്ല.
