കൊവിഡ് ബാധിച്ച് ചികിത്സയിലായിരുന്ന ഒരു പ്രവാസി മലയാളി കൂടി മരിച്ചു
നില വഷളായതോടെ കഴിഞ്ഞ ദിവസം തീവ്രപരിപചരണ വിഭാഗത്തിലേക്ക് മാറ്റുകയും ഇന്ന് മരണം സംഭവിക്കുകയുമായിരുന്നു. നാല് മാസം മുമ്പ് നാട്ടില് പോയി വന്ന അദ്ദേഹം കുടുംബ സമേതമാണ് അബുദാബിയില് താമസിച്ചിരുന്നത്.
അബുദാബി: യുഎഇയില് കൊവിഡ് ബാധിച്ച് ചികിത്സയിലായിരുന്ന ഒരു മലയാളി കൂടി മരിച്ചു. തിരൂർ കൈനിക്കര സ്വദേശി മേലേതിൽ അഷ്റഫാണ് (50) അബുദാബിയില് മരിച്ചത്. അബുദാബിയില് സൂപ്പര് മാര്ക്കറ്റ് നടത്തുകയായിരുന്ന അദ്ദേഹത്തെ കടുത്ത പനിയെ തുടര്ന്ന് കഴിഞ്ഞ ആഴ്ചയാണ് മഫ്റഖ് ആശുപത്രിയില് പ്രവേശിപ്പിച്ചത്.
നില വഷളായതോടെ കഴിഞ്ഞ ദിവസം തീവ്രപരിപചരണ വിഭാഗത്തിലേക്ക് മാറ്റുകയും ഇന്ന് മരണം സംഭവിക്കുകയുമായിരുന്നു. നാല് മാസം മുമ്പ് നാട്ടില് പോയി വന്ന അദ്ദേഹം കുടുംബ സമേതമാണ് അബുദാബിയില് താമസിച്ചിരുന്നത്. നടപടികള് പൂര്ത്തിയാക്കി അബുദാബിയില് തന്നെ മൃതദേഹം ഖബറടക്കും. ഭാര്യ സക്കീന, മക്കള് അന്സിഫ, ഹസീന, തെസ്നി, മുഹമ്മദ് ആഷിഖ്.