കൊവിഡ് ബാധിച്ച് ചികിത്സയിലായിരുന്ന പ്രവാസി മലയാളി മരിച്ചു
ഹഫർ കിങ് ഖാലിദ് ആശുപത്രിയിൽ വെൻറിലേറ്ററിലായിരുന്നു. 22 വർഷമായി ടാക്സി ഡ്രൈവറായി ജോലി ചെയ്യുകയായിരുന്നു.
റിയാദ്: കൊവിഡ് ബാധിച്ച് സൗദി അറേബ്യയിൽ ചികിത്സയിലായിരുന്ന മലയാളി മരിച്ചു. തിരുവനന്തപുരം കല്ലമ്പലം സ്വദേശി ഷരീഫ് (50) ആണ് ഹഫർ അൽബാത്വിനിലെ ആശുപത്രിയിൽ മരിച്ചത്. ഹഫർ കിങ് ഖാലിദ് ആശുപത്രിയിൽ വെൻറിലേറ്ററിലായിരുന്നു. 22 വർഷമായി ടാക്സി ഡ്രൈവറായി ജോലി ചെയ്യുകയായിരുന്നു. ഭാര്യ: ഷീജ, മക്കൾ: ഷഫീഖ്, ഷഫ്ന. വിവരമറിഞ്ഞ് സഹോദരൻ റിയാദിൽ നിന്നും ഹഫറിൽ എത്തിയിട്ടുണ്ട്.