Asianet News MalayalamAsianet News Malayalam

നാട്ടിലേക്ക് മടങ്ങാന്‍ വിമാനത്താവളത്തിലേക്കുള്ള യാത്രാമദ്ധ്യേ പ്രവാസി മലയാളി മരിച്ചു

വെള്ളിയാഴ്ച്ച വൈകീട്ടാണ് സംഭവം. റിയാദിലേക്കുള്ള ബസിൽ വരവേ സുലയിലെത്തി നിർത്തിയപ്പോൾ  വെള്ളം കുടിക്കാൻ പുറത്തിറങ്ങിയതാണ്​. വെള്ളം വാങ്ങി കുടിക്കുന്നതിനിടെ ഹൃദയസ്‍തംഭനമുണ്ടാവുകയായിരുന്നു. 

keralite expatriate died in saudi arabia on his way to airport for going home
Author
Riyadh Saudi Arabia, First Published Dec 20, 2020, 7:23 PM IST

റിയാദ്​: നാട്ടിൽ പോകാൻ റിയാദ് എയർപ്പോർട്ടിലേക്കുള്ള യാത്രാമദ്ധ്യേ ഹൃദയാഘാതമുണ്ടായി മലയാളി മരിച്ചു. പാലക്കാട് മണ്ണാർക്കാട് കാഞ്ഞിരപ്പുഴ സ്വദേശി  ഇലഞ്ഞിക്കുന്നേൽ വീട്ടിൽ പ്രദീപ് (41) ആണ് റിയാദിൽ നിന്ന് 560 കിലോമീറ്ററകലെ സുലയിൽ വെച്ച്​ മരിച്ചത്​. ദക്ഷിണ സൗദിയിലെ നജ്‌റാനിൽ നിന്ന് റിയാദിലേക്ക് വരവേയാണ് സുലയിൽ എത്തിയപ്പോൾ ഹൃദയസ്തംഭനമുണ്ടായത്​. 

വെള്ളിയാഴ്ച്ച വൈകീട്ടാണ് സംഭവം. റിയാദിലേക്കുള്ള ബസിൽ വരവേ സുലയിലെത്തി നിർത്തിയപ്പോൾ  വെള്ളം കുടിക്കാൻ പുറത്തിറങ്ങിയതാണ്​. വെള്ളം വാങ്ങി കുടിക്കുന്നതിനിടെ ഹൃദയസ്‍തംഭനമുണ്ടാവുകയായിരുന്നു. ഉടൻ മരണവും സംഭവിച്ചു. മൃതദേഹം സുലയ് ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്​. നജ്‍റാനിൽ ഡ്രൈവറായിരുന്ന പ്രദീപ്, നാട്ടിൽ നിന്ന് വന്നിട്ട്​ നാലുവർഷമായി. അവധിക്ക്​ പോകാൻ വേണ്ടി റിയാദിലെ  വിമാനത്താവളത്തിലേക്കുള്ള യാത്രയിലായിരുന്നു. 

അച്‍ഛൻ: പരേതനായ വിലാസൻ, അമ്മ: ഓമന, ഭാര്യ: രമ്യ, മകൾ: ആദിത്യ, മകൻ: അർജുൻ. മൃതദേഹം നാട്ടിൽ  കൊണ്ടുപോകുന്നതിനുള്ള ശ്രമങ്ങളുമായി സുലയിലെ സാമൂഹിക പ്രവർത്തകരായ സിദീഖ് കൊപ്പം, റഷീദ്, ലീന റഷീദ് മണ്ണാർക്കാട് എന്നിവരും റിയാദ് കെ.എം.സി.സി  മലപ്പുറം ജില്ല വെൽഫെയർ വിങ്​ ചെയർമാൻ റഫീഖ് പുല്ലൂർ, ജനറൽ കൺവീനർ ഷറഫ് പുളിക്കൽ, ഫൈസൽ എടയൂർ എന്നിവർ രംഗത്തുണ്ട്.

Follow Us:
Download App:
  • android
  • ios