പൊതു അവധി ദിവസങ്ങളായ വെള്ളി, ശനി കൂടി ചേര്ന്നാണ് അഞ്ചു ദിവസത്തെ അവധി ലഭിക്കുക.
കുവൈത്ത് സിറ്റി: കുവൈത്തില് ചെറിയ പെരുന്നാള് അവധി പ്രഖ്യാപിച്ചു. രാജ്യത്ത് അഞ്ചു ദിവസമാണ് അവധി ലഭിക്കുക. തിങ്കളാഴ്ച ചേര്ന്ന മന്ത്രിസഭാ യോഗത്തിലാണ് തീരുമാനം.
ഏപ്രില് ഒമ്പത് മുതല് 14 വരെയാണ് അവധി. ഏപ്രില് 14 ഞായറാഴ്ച മുതല് പ്രവൃത്തി ദിവസം പുനരാരംഭിക്കും. പൊതു അവധി ദിവസങ്ങളായ വെള്ളി, ശനി കൂടി ചേര്ന്നാണ് അഞ്ചു ദിവസത്തെ അവധി ലഭിക്കുക. ഈ ദിവസങ്ങളില് സര്ക്കാര് മന്ത്രാലയങ്ങള്, ഏജന്സികള്, പൊതുസ്ഥാപനങ്ങള് എന്നിവ പ്രവര്ത്തിക്കില്ല. എന്നാല് അടിയന്തര ആവശ്യങ്ങള്ക്കുള്ള സ്ഥാപനങ്ങള് പ്രവര്ത്തിക്കും.
Read Also - ഒറ്റ രാത്രി കൊണ്ട് ജീവിതം മാറി; പ്രവാസി ഇന്ത്യക്കാരന്റെ കൈകളിലെത്തുക കോടികള്, മലയാളിക്ക് സൂപ്പര് ബൈക്കും
അതേസമയം സൗദി അറേബ്യയിലെ സ്വകാര്യ സ്ഥാപനങ്ങൾക്ക് നാലു ദിവസത്തെ ചെറിയ പെരുന്നാൾ അവധി പ്രഖ്യാപിച്ചിട്ടുണ്ട്. മാനവ വിഭവശേഷി സാമൂഹിക വികസന മന്ത്രാലയമാണ് ഇത് സംബന്ധിച്ച ഉത്തരവ് പുറപ്പെടുവിച്ചത്.
ഏപ്രിൽ ഒമ്പത് മുതൽ നാല് ദിവസമായിരിക്കും സ്വകാര്യ മേഖല സ്ഥാപനങ്ങൾക്കുള്ള അവധിയെന്ന് മന്ത്രാലയം വ്യക്തമാക്കി. രാജ്യത്തെ തൊഴിൽ നിയമത്തിലെ എക്സിക്യൂട്ടീവ് ചട്ടങ്ങളുടെ ആർട്ടിക്കിൾ 24 രണ്ടാം ഖണ്ഡികയിൽ വ്യക്തമാക്കിയിരിക്കുന്ന ചട്ടങ്ങൾ പാലിക്കണമെന്ന് തൊഴിലുടമകളോട് മന്ത്രാലയം ആവശ്യപ്പെട്ടു.
