ജോലി സ്ഥലത്തുവെച്ച് ശ്വാസതടസം അനുഭവപ്പെട്ടതിനെ തുടര്ന്നാണ് സല്മാനിയ മെഡിക്കല് സെന്ററില് പ്രവേശിപ്പിച്ചത്.
മനാമ: വയനാട് സ്വദേശിയായ പ്രവാസി ബഹ്റൈനില് നിര്യാതനായി. വയനാട് പടിഞ്ഞാറത്തറ സ്വദേശി ഉമ്മര്കുട്ടിയാണ് മരിച്ചത്. ഗുദയ്ബിയയിലെ മന്ദീയില് കോള്ഡ് സ്റ്റോറില് ജീവനക്കാരനായിരുന്ന അദ്ദേഹത്തെ ജോലി സ്ഥലത്തുവെച്ച് ശ്വാസതടസം അനുഭവപ്പെട്ടതിനെ തുടര്ന്നാണ് സല്മാനിയ മെഡിക്കല് സെന്ററില് പ്രവേശിപ്പിച്ചത്.
മൃതദേഹം സല്മാനിയ മെഡിക്കല് കോംപ്ലക്സ് മോര്ച്ചറിയില് സൂക്ഷിച്ചിരിക്കുകയാണ്. നടപടികള് ബഹ്റൈന് കെഎംസിസി മയ്യിത്ത് പരിപാലന വിങിന്റെ നേതൃത്വത്തില് പൂര്ത്തിയാക്കിക്കൊണ്ടിരിക്കുന്നു. മൃതദേഹം നാട്ടിലെത്തിച്ച് സംസ്കരിക്കുമെന്ന് ബന്ധപ്പെട്ടവര് അറിയിച്ചു. ഉമ്മര്കുട്ടിക്ക് ഭാര്യയും മൂന്ന് കുട്ടികളുമുണ്ട്.
Read also: പ്രവാസി മലയാളി യുവാവ് യുഎഇയില് നിര്യാതനായി
അവധിക്ക് നാട്ടിലെത്തിയ പ്രവാസി യുവാവ് വാഹനാപകടത്തില് മരിച്ചു
മസ്കത്ത്: ഒമാനില് നിന്ന് അവധിക്ക് നാട്ടിലെത്തിയ യുവാവ് വാഹനാപകടത്തില് മരിച്ചു. തൃശൂര് കുന്നംകുളം പോര്ക്കുളം മേപ്പാടത്ത് വീട്ടില് സുബിന് (26) ആണ് മരിച്ചത്. ഒമാനിലെ കാബൂറയിലെ വര്ക്ക് ഷോപ്പില് പെയിന്റിങ് ജീവനക്കാരനായിരുന്ന സുബിന് ഇരുപത് ദിവസം മുമ്പാണ് അവധിക്ക് നാട്ടിലെത്തിയത്.
ഇക്കഴിഞ്ഞ ഞായറാഴ്ച രാത്രി സുബിനും സുഹൃത്ത് വിഷ്ണുവും സഞ്ചരിച്ചിരുന്ന ബൈക്കും എതിരെ വന്ന കാറുും കൂട്ടിയിടിച്ചാണ് അപകടമുണ്ടായത്. പരിക്കേറ്റ ഇരുവരെയും കുന്നംകുളത്തെ സ്വകാര്യ ആശുപത്രിയില് എത്തിച്ചു. അവിടെ നിന്ന് പിന്നീട് മെഡിക്കല് കോളേജിലേക്ക് മാറ്റിയിരുന്നു. ചികിത്സയിലിരിക്കവെയാണ് സുബിന് മരണപ്പെട്ടത്.
