ബഹ്റൈനില് അക്കൗണ്ടന്റായി ജോലി ചെയ്തിരുന്ന ഇദ്ദേഹം ഒരാഴ്ചയായി സല്മാനിയ മെഡിക്കല് കോംപ്ലക്സില് ചികിത്സയിലായിരുന്നു.
മനാമ: ബഹ്റൈനില് ചികിത്സയിലായിരുന്ന പ്രവാസി മലയാളി നിര്യാതനായി. കണ്ണൂര് പുതിയങ്ങാടി സ്വദേശി കെ.സി യൂനുസ് (42) ആണ് മരിച്ചത്. ബഹ്റൈനില് അക്കൗണ്ടന്റായി ജോലി ചെയ്തിരുന്ന ഇദ്ദേഹം ഒരാഴ്ചയായി സല്മാനിയ മെഡിക്കല് കോംപ്ലക്സില് ചികിത്സയിലായിരുന്നു. മുഹമ്മദ് കുഞ്ഞി - ആയിഷ ദമ്പതികളുടെ മകനാണ്. ഭാര്യ - നസീബ. മകള് - നെഹ്ല. മൃതദേഹം നാട്ടിലേക്ക് കൊണ്ടുപോകാനുള്ള നടപടികള് പുരോഗമിക്കുകയാണ്.
Read more: ഒരു വയസുകാരനായ മലയാളി ബാലന് കുവൈത്തില് മരിച്ചു
അവധിക്ക് നാട്ടില് പോയ പ്രവാസി യുവാവ് ഹൃദയാഘാതം മൂലം മരിച്ചു
ദോഹ: ഖത്തറില് നിന്ന് അവധിക്ക് നാട്ടിലേക്ക് പോയ പ്രവാസി യുവാവ് മരിച്ചു. കോഴിക്കോട് അത്തോളി പറമ്പത്ത് തലക്കുളത്തൂര് പടിഞ്ഞാറയില് മമ്മദിന്റെ മകന് ഷൗക്കത്ത് (38) ആണ് മരിച്ചത്. ഹൃദയാഘാതം മൂലം ബുധനാഴ്ച രാവിലെയായിരുന്നു അന്ത്യം. സൈലിയയില് സൂപ്പര്മാര്ക്കറ്റില് ക്യാഷറായി ജോലി ചെയ്തിരുന്ന അദ്ദേഹം അടുത്തിടെയാണ് രണ്ട് മാസത്തെ അവധിയില് നാട്ടിലേക്ക് പോയത്. ഭാര്യ - റാനിയ. മകന് - മുഹമ്മദ്. മാതാവ് - ഹവ്വ. സഹോദരങ്ങള് - ലത്തീഫ്, നാസര്, യൂസുഫ്, താഹിര്, ഷരീഫ്.
പ്രവാസി മലയാളി ഹൃദയാഘാതം മൂലം മരിച്ചു
സലാല: ഒമാനില് മലയാളി ഹൃദയാഘാതം മൂലം മരണപ്പെട്ടു. പാലക്കാട്, തൃത്താല, കൊപ്പം പറക്കാട് സ്വദേശി അറുതിയതില് അലവി മകന് ഹംസ (52) ആണ് ഒമാനിലെ സലാല ഖാബൂസ് ആശുപത്രിയില് മരിച്ചത്.
കഴിഞ്ഞ പതിനാറ് വര്ഷമായി സലാലയില് പ്രവാസിയായിരുന്ന ഹംസ മര്ബാദില് ഫുഡ്സ്റ്റഫില് ജോലി ചെയ്തു വരികയായിരുന്നു. മാതാവ്: ഫാത്തിമ. ഭാര്യ: അസീന. മക്കള്: ആരിഫ, തസ്നിയ, സാലിഹ്. മരുമകന്: ഫൈസല്. സഹോദരങ്ങള്: മരക്കാര്, ആമിന. ഖാബൂസ് ആശുപത്രി മോര്ച്ചറിയില് സൂക്ഷിച്ചിരിക്കുന്ന ഭൗതിക ശരീരം നടപടി ക്രമങ്ങള്ക്ക് ശേഷം നാട്ടിലേക്ക് കൊണ്ട് പോകാനുള്ള ശ്രമങ്ങള് നടന്നു വരുന്നതായി ബന്ധുക്കള് അറിയിച്ചു.
