അടുത്ത മാസം ജോലിയിൽ നിന്ന് വിരമിക്കാനിരിക്കെ പ്രവാസി മലയാളി വാഹനാപകടത്തിൽ മരിച്ചു. റോഡ് മുറിച്ച് കടക്കുന്നതിനിടെ വാഹനമിടിക്കുകയായിരുന്നു. മലപ്പുറം സ്വദേശിയാണ് മരിച്ചത്.
ഷാർജ: പ്രവാസി മലയാളി യുഎഇയില് വാഹനാപകടത്തിൽ മരിച്ചു. മലപ്പുറം കട്ടുപ്പാറ സ്വദേശിയാണ് ഷാർജയിലെ ദൈദിൽ വാഹനമിടിച്ച് മരിച്ചത്. വളപ്പുപറമ്പത്ത് പുത്തൻവീട്ടിൽ ഉണ്ണികൃഷ്ണനാണ് (64) മരിച്ചത്. അടുത്ത മാസം ജോലിയിൽ നിന്ന് വിരമിക്കാനിരിക്കെയാണ് മരണം. ദൈദിൽ റോഡ് മുറിച്ച് കടക്കുന്നതിനിടെ വാഹനമിടിക്കുകയായിരുന്നു. ദൈദ് ആശുപത്രിയിൽ സൂക്ഷിച്ചിരിക്കുന്ന മൃതദേഹം നാട്ടിലേക്ക് കൊണ്ടുപോകുമെന്ന് ബന്ധപ്പെട്ടവർ അറിയിച്ചു. ഭാര്യ: ഗീത (അങ്കണവാടി വർക്കർ). മക്കൾ: അരുൺ, അജയ്. മരുമകൾ: ജിജി.
