ഹൃദയാഘാതം; കുവൈത്തില് മലയാളി യുവാവ് മരിച്ചു
കുവൈത്തിൽ ഹൃദയാഘാതത്തെ തുടർന്ന് എറണാകുളം സ്വദേശിയായ യുവാവ് മരിച്ചു.
കുവൈത്ത് സിറ്റി: കുവൈത്തിൽ ഹൃദയാഘാതത്തെ തുടർന്ന് പ്രവാസിയായ യുവാവ് മരിച്ചു. എറണാകുളം സ്വദേശിയായ സനൂഫ്(32) ആണ് മരിച്ചത്. ആലുവ ആലങ്ങാട് മാളികംപീടിക കൂത്താട്ടുപറമ്പത്ത് ഹനീഫ-റംല ദമ്പതികളുടെ മകനാണ് സനൂഫ്.
കുവൈത്തിലെ മംഗഫ് കെ.ആർ.എച്ച് ക്യാമ്പിൽ വച്ചായിരുന്നു മരണം. യു.എസ് ആര്മി ആരിഫ്ജാന് ക്യാമ്പില് സപ്ലൈ ടെക് ആയി ജോലിചെയ്തുവരികയായിരുന്നു സനൂഫ്. യുവാവിന്റെ മൃതദേഹം നാട്ടിലെത്തിക്കാനുള്ള നടപടികൾ ആരംഭിച്ചിട്ടുണ്ട്.