ഷാര്ജയിലെ അല്ബതേഹില് ഉച്ചയ്ക്ക് 3.27നാണ് ഭൂചലനമുണ്ടായതെന്ന് നാഷണല് സെന്റര് ഓഫ് മെറ്റീരിയോളജി അറിയിച്ചു.
ഷാര്ജ: യുഎഇയില് നേരിയ ഭൂചലനം അനുഭവപ്പെട്ടു. ശനിയാഴ്ചയാണ് റിക്ടര് സ്കെയിലില് 2.4 തീവ്രത രേഖപ്പെടുത്തിയ ഭൂചലനം ഉണ്ടായത്. ഷാര്ജയിലെ അല്ബതേഹില് ഉച്ചയ്ക്ക് 3.27നാണ് ഭൂചലനമുണ്ടായതെന്ന് നാഷണല് സെന്റര് ഓഫ് മെറ്റീരിയോളജി അറിയിച്ചു. യുഎഇയില് ആഘാതങ്ങള് സൃഷ്ടിക്കാതെ ഭൂചലനം അവസാനിച്ചതായി അധികൃതര് കൂട്ടിച്ചേര്ത്തു.
ബറാക്ക ആണവോര്ജ നിലയത്തിലെ മൂന്നാം യൂണിറ്റിന് പ്രവര്ത്തനാനുമതി നല്കി യുഎഇ
ഇറാനില് ഭൂചലനം, 5.9 തീവ്രത രേഖപ്പെടുത്തി; പ്രകമ്പനം ഗള്ഫ് രാജ്യങ്ങളിലും അനുഭവപ്പെട്ടു
ദുബൈ: ഇറാനില് ബുധനാഴ്ച രാവിലെയുണ്ടായ ഭൂചലനത്തിന്റെ പ്രകമ്പനം യുഎഇ ഉള്പ്പെടെയുള്ള ഗള്ഫ് രാജ്യങ്ങളിലും അനുഭവപ്പെട്ടു. ദക്ഷിണ ഇറാനില് രാവിലെ 10.06നാണ് റിക്ടര് സ്കെയിലില് 5.9 തീവ്രത രേഖപ്പെടുത്തിയ ഭൂചലനമുണ്ടായതെന്ന് യുഎഇ ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു.
10 കിലോമീറ്റര് ആഴത്തിലായിരുന്നു ഭൂചലനത്തിന്റെ പ്രഭവ കേന്ദ്രം. ദുബൈയിലെ നിരവധി താമസക്കാര് പ്രകമ്പനം അനുഭവപ്പെട്ടതായി ട്വിറ്ററില് കുറിച്ചു. ഭൂചലനം കാരണമായുണ്ടായ പ്രകമ്പനം അനുഭവപ്പെട്ടവര് എന്താണ് സംഭവിച്ചതെന്ന് ചോദിച്ചും മറ്റാര്ക്കെങ്കിലും സമാനമായ അനുഭവമുണ്ടായോ എന്ന് അന്വേഷിച്ചും സാമൂഹിക മാധ്യമങ്ങളില് പോസ്റ്റുകളിട്ടു.
എന്നാല് പ്രകമ്പനം അനുഭവപ്പെട്ടതല്ലാതെ യുഎഇയില് മറ്റ് തരത്തിലുള്ള ആഘാതങ്ങളൊന്നും ഉണ്ടായിട്ടില്ലെന്ന് ദേശീയ കാലാവസ്ഥാ നിരീക്ഷണ കേന്ദ്രം അറിയിച്ചു.അമേരിക്കന് ജിയോളജിക്കല് സര്വേയുടെ അറിയിപ്പ് പ്രകാരം യുഎഇക്ക് പുറമെ ബഹ്റൈന്, സൗദി അറേബ്യ, ഖത്തര് എന്നിവിടങ്ങളിലും പ്രകമ്പനം അനുഭവപ്പെട്ടു.
