ഡിസംബര് 5,6 തീയതികളിലായി നടക്കുന്ന സ്പേസ് ഡിബേറ്റില് ബഹിരാകാശ മേഖലയിലെ വിദഗ്ധരും ഉന്നത ഉദ്യോഗസ്ഥരും പങ്കെടുക്കും.
അബുദാബി: അബുദാബിയില് നടക്കുന്ന സ്പേസ് ഡിബേറ്റില് പ്രധാനമന്ത്രി നരേന്ദ്ര മോദി വെര്ച്വലായി പങ്കെടുക്കും. അബുദാബി സ്പേസ് ഡിബേറ്റിന്റെ ഉദ്ഘാടന വേദിയെ നരേന്ദ്ര മോദിയും ഇസ്രയേല് പ്രസിഡന്റ് ഐസക് ഹെര്സോഗും അഭിസംബോധന ചെയ്യും.
ഡിസംബര് 5, 6 തീയതികളിലായി നടക്കുന്ന സ്പേസ് ഡിബേറ്റില് ബഹിരാകാശ മേഖലയിലെ വിദഗ്ധരും ഉന്നത ഉദ്യോഗസ്ഥരും പങ്കെടുക്കും. ആഗോള ബഹിരാകാശ ഏജന്സികളും സര്ക്കാര് പ്രതിനിധികളും ബഹിരാകാശ മേഖലയിലെയും പ്രതിരോധ സാങ്കേതികവിദ്യാ സ്ഥാപനങ്ങളിലെയും മേധാവികളും ചടങ്ങില് പങ്കെടുക്കും. യുഎഇ ബഹിരാകാശ ഏജന്സിയും വിദേശകാര്യ മന്ത്രാലയവും പ്രതിരോധ മന്ത്രാലയവും സംയുക്തമായാണ് ചടങ്ങ് സംഘടിപ്പിക്കുന്നത്.
Read More - പ്രവാസികള്ക്ക് ജോലി നഷ്ടമായാലും ശമ്പളം; പദ്ധതിയില് ചേരാന് നല്കേണ്ടത് അഞ്ച് ദിര്ഹം, വിവരങ്ങള് ഇങ്ങനെ
ബഹിരാകാശ ഗവേഷണം ഉള്പ്പെടെ തന്ത്രപ്രധാന മേഖലയില് ആഗോള സഹകരണം രൂപപ്പെടുത്തുകയാണ് ലക്ഷ്യം. ഇന്ത്യ, യുഎസ്, ബ്രിട്ടന്, കൊറിയ, ഫ്രാന്സ്, ജപ്പാന്, റുവാണ്ട, പോര്ച്ചുഗല്, സൗദി അറേബ്യ തുടങ്ങിയ രാജ്യങ്ങളിലെ 250 ബഹിരാകാശ ഏജന്സികളുടെ പ്രതിനിധികള് പങ്കെടുക്കും.
Read More - വാട്സ്ആപിലൂടെ സഹപ്രവര്ത്തകനെ തെറി വിളിച്ച യുവതി അഞ്ച് ലക്ഷം നഷ്ടപരിഹാരം നല്കണം
പിതാവ് ആരാണെന്ന് വ്യക്തമല്ലാത്ത കുട്ടികള്ക്കും യുഎഇയില് ഇനി മുതല് ജനന സര്ട്ടിഫിക്കറ്റ്
അബുദാബി: പിതാവ് ആരാണെന്ന് വ്യക്തമല്ലാത്ത കുട്ടികള്ക്കും യുഎഇയില് ഇനി മുതല് ജനന സര്ട്ടിഫിക്കറ്റ് നല്കും. രാജ്യത്ത് ജനന, മരണ രജിസ്ട്രേഷന് സംബന്ധിച്ചുള്ള പുതിയ നിയമം പ്രാബല്യത്തില് വന്നതോടെയാണിത്. യുഎഇ പ്രസിഡന്റ് ശൈഖ് മുഹമ്മദ് ബിന് സായിദ് അല് നഹ്യാന് പുറത്തിറക്കിയ 10-2022 എന്ന ഉത്തരവിലൂടെയാണ് പുതിയ നിയമം നടപ്പായിരിക്കുന്നത്. ജനന സര്ട്ടിഫിക്കറ്റ് ലഭിക്കുകയെന്നത് കുട്ടിയുടെ അവകാശമാണെന്ന് കണക്കാക്കിയാണ് ജനന രജിസ്ട്രേഷന് സംബന്ധിച്ച നിബന്ധനകളില് മാറ്റം കൊണ്ടുവന്നത്.
രക്ഷിതാക്കള് വിവാഹിതരാണോ എന്നതും കുട്ടിയുടെ പിതാവ് ആരാണെന്ന് വ്യക്തമാണോ എന്നുള്ളതും തനിക്ക് ജനന സര്ട്ടിഫിക്കറ്റ് ലഭിക്കാനുള്ള കുട്ടിയുടെ അവകാശം സംരക്ഷിക്കപ്പെടുന്നതിന് തടസമാവാന് പാടില്ലെന്ന് നിയമം അനുശാസിക്കുന്നു. കുട്ടി ജനിച്ചാല് അമ്മയ്ക്ക് ജുഡീഷ്യല് അധികാരികള്ക്ക് അപേക്ഷ നല്കി തന്റെ കുട്ടിയുടെ ജനനം രജിസ്റ്റര് ചെയ്യാം. രജിസ്ട്രേഷന് വേണ്ടിയുള്ള പ്രത്യേക ഫോമും ലഭ്യമായിട്ടുണ്ട്.
