കുവൈത്ത് സിറ്റി: പതിനാറാമത് കുവൈത്ത് പാർലമെൻറ് തെരഞ്ഞെടുപ്പ് പൂർത്തിയായി. നാളെ രാവിലെയോടെ തെരഞ്ഞെടുപ്പ്ഫലങ്ങൾ പുറത്തുവിടും. 29 സ്ത്രീകളമടക്കം 362 പേരാണ് മത്സര രംഗത്തുള്ളത്. 43 സിറ്റിംങ് എം.പിമാരും ഇവരില്‍ ഉള്‍പ്പെടുന്നു.

രാവിലെ തുടങ്ങിയ തെരഞ്ഞെടുപ്പ് നടപടികള്‍ രാത്രി എട്ടോടെയാണ് അവസാനിച്ചത്. കൊവിഡ് പശ്ചാത്തലത്തിൽ കര്‍ശന ആരോഗ്യ സുരക്ഷാ മാർഗ നിർദ്ദേശങ്ങൾക്കനുസൃതമായാണ് വോട്ടെടുപ്പ് നടന്നത്. അഞ്ച് മണ്ഡലങ്ങളിലായി നടന്ന തെരഞ്ഞെടുപ്പിൽ ഓരോ മണ്ഡലത്തിലും ഏറ്റവും അധികം വോട്ട് നേടുന്ന 10 പേർ വിജയിക്കും. 5,67,694 വോട്ടർമാരാണ് ജനവിധി രേഖപ്പെടുത്തിയത്. ഇതിൽ 2,93,754 പേർ സ്ത്രീകളാണ്.  180 വോളണ്ടിയർമാരുടെ മേൽനോട്ടത്തിലാണ് തെരഞ്ഞെടുപ്പ് നടന്നത്. നാളെ രാവിലെയോടെ ആദ്യ ഫലസൂചനകൾ പുറത്തുവരും. വോട്ടെണ്ണൽ കഴിഞ്ഞാൽ വിജായാഹ്ലാദ പ്രകടനങ്ങൾക്കും കൂടിച്ചേരലുകൾക്കും നേരത്തെ തന്നെ വിലക്ക്‌ ഏർപ്പെടുത്തിയിട്ടുണ്ട്.