രാത്രിയിലും ഈർപ്പമേറിയ കാലാവസ്ഥയായിരിക്കുമെന്നും നാളെയും ചില തീരപ്രദേശമേഖലകളിൽ ഉൾപ്പടെ മഞ്ഞ് രൂപപ്പെടാനുള്ള സാധ്യത കൂടുതലാണെന്നും കാലാവസ്ഥ വകുപ്പ് അറിയിച്ചു
അബുദാബി: യുഎഇയിൽ കനത്ത മൂടൽമഞ്ഞിന്റെ സാഹചര്യത്തിൽ അബുദാബി, അൽഐൻ, അൽ ദഫ്ര പ്രദേശങ്ങളിൽ റെഡ്, യെല്ലോ അലർട്ടുകൾ പ്രഖ്യാപിച്ച് കാലാവസ്ഥാ വകുപ്പ്. ഇന്ന് രാവിലെ 10 മണി വരെയും മൂടൽ മഞ്ഞ് തുടരും. അൽ ഐനിലെ റെമാ, അൽ വിഖാൻ, സാബ പ്രദേശങ്ങളിലാണ് റെഡ്, യെല്ലോ അലർട്ടുകൾ പുറപ്പെടുവിച്ചിരിക്കുന്നത്. അബുദാബിയിലെ അൽ വത്ബ, സീഹ് അൽ ഹമ, സ്വീഹാൻ എന്നിവിടങ്ങളിലും അബുദാബിയിലേക്കുള്ള അൽ സാദ് പാലം, ബു കിരയ്യ, അൽ ഫയ പ്രദേശങ്ങളിലും മൂടൽമഞ്ഞ് റിപ്പോർട്ട് ചെയ്തിട്ടുണ്ട്. അൽ ദഫ്രയിലെ മദീന സായിദ്, ജിസായ്റ പ്രദേശങ്ങളിലും മഞ്ഞ് മൂടിയ കാലാവസ്ഥയാണ്.
read also: യുഎഇയിലെ ഇന്ത്യൻ പ്രവാസികൾക്കുള്ള പാസ്പോർട്ട്, അറ്റസ്റ്റേഷൻ കേന്ദ്രങ്ങൾ മാറും
രാത്രിയിലും ഈർപ്പമേറിയ കാലാവസ്ഥയായിരിക്കുമെന്നും നാളെയും ചില തീരപ്രദേശമേഖലകളിൽ ഉൾപ്പടെ മഞ്ഞ് രൂപപ്പെടാനുള്ള സാധ്യത കൂടുതലാണെന്നും കാലാവസ്ഥ വകുപ്പ് അറിയിച്ചു. തീരപ്രദേശമേഖലകളിൽ താപനില ഏറ്റവും കൂടുതൽ 22 മുതൽ 26 ഡിഗ്രി സെൽഷ്യസ് വരെയായിരിക്കും. താപനില ഏറ്റവും കുറഞ്ഞത് 13 മുതൽ 18 ഡിഗ്രി സെൽഷ്യസ് വരെയും രേഖപ്പെടുത്തിയേക്കാം. കൂടാതെ രാജ്യത്തുടനീളം മണിക്കൂറിൽ 35 കിലോ മീറ്റർ വരെ വേഗത്തിൽ വീശുന്ന കാറ്റിനും സാധ്യതയുണ്ടെന്ന് കാലാവസ്ഥ വകുപ്പ് അറിയിച്ചിട്ടുണ്ട്.
