അബുദാബി വിമാനത്താവളത്തില് ഇമിഗ്രേഷന് നടപടികള് പൂര്ത്തിയാക്കി കഴിയുമ്പോള് അധികൃതര് റിസ്റ്റ്ബാന്ഡ് നല്കും. അബുദാബിയിലെത്തുമ്പോള് പിസിആര് പരിശോധനയ്ക്ക് വിധേയരാകണം. പിന്നീട് ആറാമത്തെയും 11-ാമത്തെയും ദിവസവും പിസിആര് പരിശോധനയ്ക്ക് വിധേയരാകണമെന്നും ഇത്തിഹാദ് വെബ്സൈറ്റില് അറിയിച്ചു.
അബുദാബി: ഇന്ത്യയില് നിന്ന് അബുദാബിയിലേക്ക് യാത്ര ചെയ്യുന്ന താമസ വിസക്കാര് അബുദാബിയിലെത്തിയാല് 12 ദിവസം നിര്ബന്ധിത ഹോം ക്വാറന്റീനില് കഴിയണം. ഇത്തിഹാദ് എയര്വേയ്സിന്റെ പുതിയ മാര്ഗനിര്ദ്ദേശത്തിലാണ് ഇക്കാര്യം അറിയിച്ചിട്ടുള്ളത്. നേരത്തെ 10 ദിവസമായിരുന്നു ഹോം ക്വാറന്റീന് കാലയളവ്.
അബുദാബിയിലെത്തുന്നവര് ഹോം ക്വാറന്റീന് കാലയളവില് മെഡിക്കല് അംഗീകാരമുള്ള റിസ്റ്റ്ബാന്ഡ്(ട്രാക്കിങ് വാച്ച്) ധരിക്കണമെന്നും ഇത്തിഹാദിന്റെ പുതിയ പ്രോട്ടോക്കോളില് വ്യക്തമാക്കുന്നു. അബുദാബി വിമാനത്താവളത്തില് ഇമിഗ്രേഷന് നടപടികള് പൂര്ത്തിയാക്കി കഴിയുമ്പോള് അധികൃതര് റിസ്റ്റ്ബാന്ഡ് നല്കും. അബുദാബിയിലെത്തുമ്പോള് പിസിആര് പരിശോധനയ്ക്ക് വിധേയരാകണം. പിന്നീട് ആറാമത്തെയും 11-ാമത്തെയും ദിവസവും പിസിആര് പരിശോധനയ്ക്ക് വിധേയരാകണമെന്നും ഇത്തിഹാദ് വെബ്സൈറ്റില് അറിയിച്ചു. ഇന്ഡിഗോയും ട്രാവല് ഏജന്റുമാര്ക്ക് നല്കിയ നോട്ടീസില് പുതിയ മാര്ഗനിര്ദ്ദേശങ്ങള് വ്യക്തമാക്കുന്നുണ്ട്.
കൊവിഡ് മഹാമാരിയുടെ രണ്ടാംവരവിന്റെ ഈ കാലത്ത്, എല്ലാവരും മാസ്ക് ധരിച്ചും സാനിറ്റൈസ് ചെയ്തും സാമൂഹ്യ അകലം പാലിച്ചും വാക്സിന് എടുത്തും പ്രതിരോധത്തിന് തയ്യാറാവണമെന്ന് ഏഷ്യാനെറ്റ് ന്യൂസ് അഭ്യര്ത്ഥിക്കുന്നു. ഒന്നിച്ച് നിന്നാല് നമുക്ക് ഈ മഹാമാരിയെ തോല്പ്പിക്കാനാവും. #BreakTheChain #ANCares #IndiaFightsCorona
