ഇസ്ലാമാബാദ്: ഏകദിന സന്ദര്‍ശനത്തിനായി യുഎഇ വിദേശകാര്യ മന്ത്രിയും സൗദി വിദേശകാര്യ സഹമന്ത്രിയും ബുധനാഴ്ച പാകിസ്ഥാനിലെത്തി. പാകിസ്ഥാനിലെ സിവില്‍, സൈനിക നേതൃത്വവുമായി ഇരുവരും ചര്‍ച്ചകള്‍ നടത്തും.

സൗദി വിദേശകാര്യ സഹമന്ത്രി ആദില്‍ ബിന്‍ അഹ്‍മദ് അല്‍ ജുബൈര്‍, യുഎഇ വിദേശകാര്യ-അന്താരാഷ്ട്ര സഹകരണ മന്ത്രി ശൈഖ് അബ്‍ദുല്ല ബിന്‍ സായിദ് ബിന്‍ സുല്‍ത്താന്‍ അല്‍ നഹ്‍യാന്‍ എന്നിവരാണ് ഇസ്ലാബാദിലെത്തിയത്. പാക് പ്രധാനമന്ത്രി ഇംറാന്‍ ഖാന്‍, വിദേശകാര്യ മന്ത്രി ഷാ മഹ്‍മൂദ് ഖുറൈശി, സൈനിക മേധാവി ഖമര്‍ ജാവേദ് ബജ്‍വ എന്നിവരുമായി ഇരുവരും കൂടിക്കാഴ്ചകള്‍ നടത്തുമെന്നാണ് റിപ്പോര്‍ട്ടുകള്‍.