കാറില് സഞ്ചരിക്കുകയായിരുന്ന യുവതിയോട് സഭ്യതക്ക് നിരക്കാത്ത ആംഗ്യങ്ങള് കാണിച്ച ശേഷം അതിന്റെ വീഡിയോ ദൃശ്യങ്ങളും ചിത്രീകരിച്ചു. ഇത് സാമൂഹിക മാധ്യമങ്ങളിലൂടെ പ്രചരിപ്പിച്ചതാണ് യുവാവിന്റെ അറസ്റ്റിലേക്ക് നയിച്ചത്.
റിയാദ്: സൗദി അറേബ്യയില് യുവതിയോട് അശ്ലീല ആംഗ്യം കാണിച്ച യുവാവിനെ സുരക്ഷാ വകുപ്പുകള് അറസ്റ്റ് ചെയ്തു. ഇരുപത് വയസുകാരനായ സ്വദേശി യുവാവാണ് അല് ഖസീമില് പിടിയിലായതെന്ന് പൊലീസ് വക്താവ് ലെഫ്. കേണല് ബദര് അല് സുഹൈബാനി അറിയിച്ചു.
കാറില് സഞ്ചരിക്കുകയായിരുന്ന യുവതിയോട് സഭ്യതക്ക് നിരക്കാത്ത ആംഗ്യങ്ങള് കാണിച്ച ശേഷം അതിന്റെ വീഡിയോ ദൃശ്യങ്ങളും ചിത്രീകരിച്ചു. ഇത് സാമൂഹിക മാധ്യമങ്ങളിലൂടെ പ്രചരിപ്പിച്ചതാണ് യുവാവിന്റെ അറസ്റ്റിലേക്ക് നയിച്ചത്. വീഡിയോ ശ്രദ്ധയില്പെട്ട സുരക്ഷാ വകുപ്പുകള് അന്വേഷണം നടത്തുകയും ഇയാളെ കണ്ടെത്തി അറസ്റ്റ് ചെയ്യുകയുമായിരുന്നു. കേസില് തുടര്നടപടികള് സ്വീകരിക്കാനായി പ്രോസിക്യൂഷന് കൈമാറിയതായി അധികൃതര് അറിയിച്ചു.
