കുട്ടികളുടെ ചിത്രങ്ങള്‍ ലൈംഗികമായി ദുരുപയോഗം ചെയ്യുന്നത് തടയാന്‍ ഹാഷിങ്ങ്
ട്ടികളുടെ ചിത്രങ്ങളുടെ ഡാറ്റാബേസ് ആക്‌സസ് ചെയ്യുന്നത് തടയുന്നതിനും അത് ഷെയര്‍ ചെയ്യുന്നതിനും ഹാഷിങ് എന്ന സാങ്കേതികതയില്‍ ഒരുമിച്ച് പ്രവര്‍ത്തിക്കാനാണ് ഇരുരാജ്യങ്ങളും തയ്യാറെടുക്കുന്നത്. ഫിംഗര്‍പ്രിന്റ് സെന്‍സറുകളുടെ സുരക്ഷിതത്വം നല്‍കുകയെന്നാണ് ഹാഷിങ് കൊണ്ടു പ്രാഥമികമായി ഉദ്ദേശിക്കുന്നത്.
ലണ്ടന്‍: ഇന്റര്‍നെറ്റില്‍ കുട്ടികളുടെ ചിത്രങ്ങള്‍ ലൈംഗികമായി ദുരുപയോഗം ചെയ്യുന്ന നിരവധി കേസുകളാണ് ദിനംപ്രതി റിപ്പോര്‍ട്ട് ചെയ്യുന്നത്. ഇതിനെതിരേ ഒരുമിച്ചു പ്രവര്‍ത്തിക്കാന്‍ അമേരിക്കയും ബ്രിട്ടനും തയ്യാറെടുക്കുന്നു. കുട്ടികളുടെ ചിത്രങ്ങളുടെ ഡാറ്റാബേസ് ആക്‌സസ് ചെയ്യുന്നത് തടയുന്നതിനും അത് ഷെയര്‍ ചെയ്യുന്നതിനും ഹാഷിങ് എന്ന സാങ്കേതികതയില്‍ ഒരുമിച്ച് പ്രവര്‍ത്തിക്കാനാണ് ഇരുരാജ്യങ്ങളും തയ്യാറെടുക്കുന്നത്. ഫിംഗര്‍പ്രിന്റ് സെന്‍സറുകളുടെ സുരക്ഷിതത്വം നല്‍കുകയെന്നാണ് ഹാഷിങ് കൊണ്ടു പ്രാഥമികമായി ഉദ്ദേശിക്കുന്നത്. ഇതിനായി ലോകത്തിലെ ഏറ്റവും വലിയ ഡാറ്റാബേസ് സൃഷ്ടിക്കാന്‍ യുഎസിന്റെ ഒരു കൗണ്ടര്‍പാര്‍ട്ടുമായി പ്രവര്‍ത്തിക്കുകയാണ് യുകെയുടെ ഇന്റര്‍നെറ്റ് വാച്ച് ഫൗണ്ടേഷന്‍ (ഐഡബ്ല്യുഎഫ്).
അറിയപ്പെടുന്ന ഉള്ളടക്കം പരസ്പരം പങ്കിടുന്നതിന് ഐഡബ്ല്യുഎഫ് യുഎസിലെ നാഷണല്‍ സെന്റര്‍ ഫോര്‍ മിസ്സിംഗ് ആന്‍ഡ് എക്‌സ്‌പ്ലോയിറ്റഡ് ചില്‍ഡ്രനുമായി (എന്‍സിഎംഇസി) പ്രവര്‍ത്തിക്കും. ഇത്തരം ഉള്ളടക്കം അപ്‌ലോഡ് ചെയ്യുന്നതും പങ്കിടുന്നതും സംഭരിക്കുന്നതും തടയാന്‍ ഇന്റര്‍നെറ്റ് കമ്പനികളെ ഇവരുടെ കൂട്ടായ പ്രവര്‍ത്തനം സഹായിക്കുന്നു. ഡിജിറ്റല്‍ ഫിംഗര്‍പ്രിന്റിന്റെ ഒരു രൂപമാണ് ഹാഷിംഗ്. ഒരു ചിത്രം അപ്‌ലോഡ് ചെയ്യാന്‍ ശ്രമിക്കുന്ന നിമിഷം തിരിച്ചറിയാന്‍ അനുവദിക്കുന്ന ഒരു ഡിജിറ്റല്‍ നമ്പറിങ് കോഡ് ആണിത്.
3.5 ദശലക്ഷത്തിലധികം ഹാഷുകള്‍ വിപുലീകരിച്ച ഡാറ്റാബേസില്‍ ഉണ്ടായിരിക്കും. കുട്ടികളെ ലൈംഗികമായി ദുരുപയോഗിക്കുന്നതിന്റെ ചിത്രങ്ങളും വീഡിയോകളും അവരുടെ പ്ലാറ്റ്‌ഫോമിലേക്ക് അപ്‌ലോഡുചെയ്യുന്നത് തടയാന്‍ ഓണ്‍ലൈന്‍ സ്ഥാപനങ്ങള്‍ ഇത് ഉപയോഗിക്കും. കുട്ടികളെ ദുരുപയോഗം ചെയ്യുന്നതിന്റെ ഓണ്‍ലൈന്‍ ചിത്രങ്ങളും വീഡിയോകളും ഐഡബ്ല്യുഎഫ് തിരിച്ചറിയുകയും നീക്കംചെയ്യുകയും ചെയ്യുന്നു. ഒപ്പം ഇക്കാര്യം റിപ്പോര്‍ട്ടുചെയ്യാന്‍ ഒരു സ്‌പേസും വാഗ്ദാനം ചെയ്യുന്നു. എന്‍സിഎംഇസിയുടെ സൈബര്‍ ടൈപ്പ്‌ലൈന്‍ ഹബില്‍ സൃഷ്ടിച്ച പുതിയ ഡാറ്റാബേസ് കുട്ടികളെ ഓണ്‍ലൈന്‍ ലൈംഗിക ചൂഷണത്തിന്റെ സംഭവങ്ങള്‍ റിപ്പോര്‍ട്ട് ചെയ്യുന്നതിനും ഉപയോഗിക്കുന്നു.
ലോകത്തിലെ ലൈംഗിക പീഡന ഹാഷുകളുടെ ഏറ്റവും വലിയ ഗുണനിലവാരമുള്ള ഡാറ്റാബേസ് ഇതായിരിക്കും. കുട്ടികളെ ലൈംഗികമായി ദുരുപയോഗം ചെയ്യുന്ന ചിത്രങ്ങള്‍ ഇന്റര്‍നെറ്റില്‍ നിന്നും നീക്കംചെയ്യുന്നത് കഴിയുന്നത്ര എളുപ്പമാക്കാനുള്ള സംയുക്ത ശ്രമമാണ് ഇപ്പോള്‍ നടക്കുന്നത്. ലൈംഗിക ദുരുപയോഗത്തിന് ഇരയായവര്‍ക്ക് മികച്ച സേവനം നല്‍കുന്നുവെന്ന് ഉറപ്പാക്കാനുള്ള ശ്രമങ്ങളും ഇവരുടെ ഭാഗത്തു നിന്നുമുണ്ട്. കൂടാതെ എന്‍ജിഒകളും ഇന്റര്‍നെറ്റ് കമ്പനികളും ഇത് ഒഴിവാക്കാന്‍ മികച്ച ശ്രമങ്ങള്‍ നടത്തുന്നു.
മൈക്രോസോഫ്റ്റ് വികസിപ്പിച്ച ഫോട്ടോ ഡിഎന്‍എ ഹാഷിംഗ് സോഫ്റ്റ്‌വെയറാണ് ഐഡബ്ല്യുഎഫ് ഇവിടെ ഉപയോഗിക്കുന്നത്. ഇത് ഒരു ചിത്രത്തിന്റെ തനതായ ഡിജിറ്റല്‍ സിഗ്‌നേച്ചര്‍ അല്ലെങ്കില്‍ ഹാഷ് സൃഷ്ടിക്കുന്നു, അത് അതേ ചിത്രത്തിന്റെ പകര്‍പ്പുകള്‍ കണ്ടെത്തുന്നതിനും മറ്റ് ഫോട്ടോകളുടെ ഹാഷുകളുമായി താരതമ്യപ്പെടുത്തുന്നു. മുമ്പ് തിരിച്ചറിഞ്ഞ നിയമവിരുദ്ധ ചിത്രങ്ങളുടെ ഹാഷുകള്‍ അടങ്ങിയ ഒരു ഡാറ്റാബേസുമായി പൊരുത്തപ്പെടുമ്പോള്‍, കുട്ടികളെ ചൂഷണം ചെയ്യുന്നവരുടെ വിതരണം കണ്ടെത്താനും റിപ്പോര്‍ട്ടുചെയ്യാനും കഴിയും.
