ബൗണ്ടറിയില്‍ അവിശ്വസനീയ ക്യാച്ചെടുത്ത് ഇന്ത്യന്‍ താരം; അമ്പരന്ന് ക്രിക്കറ്റ് ലോകം
മഹാരാഷ്ട്ര-റെയില്‍വെ സൂപ്പര്‍ ലീഗ് പോരാട്ടത്തിലാണ് ക്രിക്കറ്റ് ലോകത്തെ അന്പരപ്പിച്ച ക്യാച്ച് പിറന്നത്.
മുംബൈ: ക്രിക്കറ്റില്‍ അസാമാന്യ ക്യാച്ചുകള്‍ പലതും നമ്മള്‍ കണ്ടിട്ടുണ്ട്. എന്നാല്‍ സയ്യിദ് മുഷ്താഖ് അലി ട്രോഫി ടി20 ടൂര്‍ണമെന്റില്‍ മഹാരാഷ്ട്രയുടെ രാഹുല്‍ ത്രിപാഠി ബൗണ്ടറി ലൈനില്‍ പുറത്തെടുത്ത മന:സാന്നിധ്യത്തില്‍ പിറന്നത് ആഭ്യന്തര ക്രിക്കറ്റിലെ ഏറ്റവും മികച്ച ക്യാച്ചുകളിലൊന്നായിരുന്നു.
മഹാരാഷ്ട്ര-റെയില്‍വെ സൂപ്പര്‍ ലീഗ് പോരാട്ടത്തിലാണ് ക്രിക്കറ്റ് ലോകത്തെ അമ്പരപ്പിച്ച ക്യാച്ച് പിറന്നത്. റെയില്‍വെ ബാറ്റ്സ്മാന്‍ മഞ്ജിത് സിംഗിന്റെ സിക്സെന്നുറപ്പിച്ച ഷോട്ട് ലോംഗ് ഓഫ് ബൗണ്ടറിയില്‍ ഫീല്‍ഡ് ചെയ്യുകയായിരുന്ന ത്രിപാഠി പറന്നുപിടിച്ചു.ബൗണ്ടറിക്ക് അപ്പുറത്തേക്ക് വീഴുന്നതിന് മുന്പ് പുറകിലൂടെ പന്ത് വായുവില്‍ ഉയര്‍ത്തിയിട്ടു.
— Mushfiqur Fan (@NaaginDance) March 12, 2019
തൊട്ടടുത്തുണ്ടായിരുന്ന മഹാരാഷ്ട്രയുടെ ദിവ്യാംഗ് ഹിംഗാനേക്കര്‍ ക്യാച്ച് പൂര്‍ത്തിയാക്കുകയും ചെയ്തു. ഐപിഎല്ലില്‍ രാജസ്ഥാന്ഡ റോയല്‍സിന്റെ താരമാണ് ത്രിപാഠി.
