ആ നേട്ടത്തില്‍ ഇനി ധോണി ഒറ്റയ്ക്കല്ല; ഹിറ്റ്മാനുമുണ്ട്
രാജ്യാന്തര ക്രിക്കറ്റില്‍ 300 സിക്സറുകള്‍ തികയ്ക്കുന്ന രണ്ടാമത്തെ ഇന്ത്യന്‍ ബാറ്റ്സ്മാനെന്ന നേട്ടം സ്വന്തമാക്കി ഹിറ്റ്മാന്‍ രോഹിത് ശര്‍മ. എംഎസ് ധോണിക്ക് ശേഷം ഈ നേട്ടത്തിലെത്തുന്ന ആദ്യ ഇന്ത്യക്കാരനാണ് രോഹിത്. പാക്കിസ്ഥാനെതിരെ 119 പന്തില്‍ 111 റണ്‍സുമായി പുറത്താകാതെ നിന്ന രോഹിത് ഏഴ് ബൗണ്ടറിയും നാല് സിക്സറും പറത്തിയിരുന്നു.
ദുബായ്: രാജ്യാന്തര ക്രിക്കറ്റില്‍ 300 സിക്സറുകള്‍ തികയ്ക്കുന്ന രണ്ടാമത്തെ ഇന്ത്യന്‍ ബാറ്റ്സ്മാനെന്ന നേട്ടം സ്വന്തമാക്കി ഹിറ്റ്മാന്‍ രോഹിത് ശര്‍മ. എംഎസ് ധോണിക്ക് ശേഷം ഈ നേട്ടത്തിലെത്തുന്ന ആദ്യ ഇന്ത്യക്കാരനാണ് രോഹിത്. പാക്കിസ്ഥാനെതിരെ 119 പന്തില്‍ 111 റണ്‍സുമായി പുറത്താകാതെ നിന്ന രോഹിത് ഏഴ് ബൗണ്ടറിയും നാല് സിക്സറും പറത്തിയിരുന്നു.
#INDvPAK #AsiaCup2018 #RohitSharma #AmirIsOrdinary #AmirIsAFixer @ImRo45
— Rohitian forevaaaaa😍♥️ (@hitman_kingdom) September 20, 2018
PS- Short balls and His Pull shots😍 pic.twitter.com/enS7Q4e1zA
ഏകദിന ക്രിക്കറ്റില്‍ 183 സിക്സറുകളാണ് രോഹിത്തിന്റെ പേരിലുള്ളത്. ധോണിയുടെ പേരില്‍ 217 ഏകദിന സിക്സറുകളുണ്ട്. ട്വന്റി-20 ക്രിക്കറ്റില്‍ ഐപിഎല്‍ ഉള്‍പ്പെടെ വിവിധ ടൂര്‍ണമെറ്റുകളിലായി 300 സിക്സര്‍ പറത്തിയിട്ടുള്ള ആദ്യ ഇന്ത്യക്കാരനെന്ന റെക്കോര്‍ഡ് നേരത്തെ രോഹിത്തിന്റെ പേരിലാണ്. ഏകദിനത്തില്‍ സിക്സര്‍ തികച്ചതോടെ രണ്ട് ഫോര്‍മാറ്റിലും ഈ നേട്ടം കൈവരിക്കുന്ന ആദ്യ ഇന്ത്യന്‍ ബാറ്റ്സ്മാനുമായി രോഹിത്. ഒരു ഏകദിന മത്സരത്തില്‍ ഏറ്റവും കൂടുതല്‍ സിക്സറുകളും ബണ്ടറികളും നേടിയ റെക്കോര്‍ഡും നിലവില്‍ രോഹിത്തിന്റെ പേരിലാണ്. 16 സിക്സറുകളും 33 ബൗണ്ടറികളും.
ഇതിന് പുറമെ ടെസ്റ്റിലും ഏകദിനത്തിലും ട്വന്റി-20യിലും സിക്സറിലൂടെ സെഞ്ചുറി പൂര്‍ത്തിയാക്കിയിട്ടുള്ള അപൂര്‍വം ബാറ്റ്സ്മാന്‍മാരിലൊരാളും രോഹിത്താണ്. രാജ്യാന്തര ക്രിക്കറ്റില്‍ തുടര്‍ച്ചയായ നാലു പന്തുകളില്‍ രണ്ടു തവണ സിക്സര്‍ നേടിയിട്ടുള്ള ബാറ്റ്സ്മാനും രോഹിത്താണ്. ഏകദിന ക്രിക്കറ്റിലെ പത്തൊമ്പതാം സെഞ്ചുറി കണ്ടെത്തിയ രോഹിത് അതിവേഗം ഈ നേട്ടം കൈവരിക്കുന്ന അഞ്ചാമത്തെ ബാറ്റ്സ്മാനായി.
