ക്രിക്കറ്റ് യുദ്ധമാക്കുന്നവര് ഇത് കാണുക; ഇന്ത്യന് ദേശീയഗാനമാലപിച്ച് പാക് ആരാധകന്- വീഡിയോ
ഏഷ്യാകപ്പില് ഇന്ത്യ- പാക് മത്സരത്തില് ഇന്ത്യന് ദേശീയഗാനം ഏറ്റുപാടി പാക്കിസ്ഥാന് ആരാധകന്. സമൂഹമാധ്യമങ്ങളില് വൈറലായ വീഡിയോ കാണാം...
ദുബായ്: രാഷ്ട്രീയത്തിലെ എന്നതുപോലെ ക്രിക്കറ്റിലും പാരമ്പര്യവൈരികളെന്ന വിശേഷണമാണ് ഇന്ത്യയ്ക്കും പാക്കിസ്ഥാനുമുള്ളത്. എന്നാല് ഇരു രാജ്യങ്ങളും തമ്മിലുള്ള മത്സരങ്ങള് യുദ്ധസമാനമല്ല, സൗഹൃദം ഊട്ടിയുറപ്പിക്കാനുള്ള വേദിയാണെന്ന് പലകുറി തെളിയിക്കപ്പെട്ടിട്ടുണ്ട്. വൈകാരിക പോരാട്ടങ്ങള്ക്ക് അപ്പുറം ഇരു ടീമിലെയും താരങ്ങള് തമ്മില് നല്ല ബന്ധവുമുണ്ട്. എന്നാല് ആരാധകര്ക്കിടയിലും ഈ സൗഹൃദം നിലനില്ക്കുന്നതായി ഒരു വീഡിയോ തെളിയിക്കുന്നു.
ഏഷ്യാകപ്പില് കഴിഞ്ഞ ദിവസം നടന്ന ഇന്ത്യ- പാക്കിസ്ഥാന് പോരാട്ടത്തില് ഇന്ത്യയുടെ ദേശീയ ഗാനം ഏറ്റുപാടുന്ന പാക് ആരാധകനാണ് ഈ ദൃശ്യത്തിലുള്ളത്. പാക്കിസ്ഥാന് പതാക കഴുത്തിലണിഞ്ഞാണ് ഇയാള് ഇന്ത്യന് ദേശീയ ഗാനം ആലപിക്കുന്നത്. ഈ സമയം മറ്റ് പാക് ആരാധകരും എഴുന്നേറ്റ് നില്ക്കുന്നതായി ദൃശ്യത്തില് കാണാം. വോയ്സ് ഓഫ് റാം എന്ന ഫേസ്ബുക്ക് പേജില് പ്രത്യക്ഷപ്പെട്ട ഈ വീഡിയോ സമൂഹമാധ്യമങ്ങളില് വൈറലായിക്കഴിഞ്ഞു.