ദില്ലി: ഇന്ത്യന് പേസര് ഭുവനേശ്വര് കുമാറിന് ജീവിതത്തില് പുതിയ ഇന്നിംഗ്സ്. നൂപുര് നാഗറുമായുള്ള ഭുവനേശ്വര് കുമാറിന്റെ വിവാഹം മീററ്റില് നടന്നു. ബന്ധുക്കളും അടുത്ത സുഹൃത്തുക്കളുടെയും സാന്നിധ്യത്തിലായിരുന്നു വിവാഹം. 26ന് നൂപുറിന്റെ സ്ഥലമായ ബുലന്ത്ഷഹറില് സല്ക്കാരം നടക്കും. ദില്ലിയില് സുഹൃത്തുക്കള്ക്കും അതിഥികള്ക്കായി നവംബര് 30ന് പ്രത്യേക വിരുന്നൊരുക്കും.
ശ്രീലങ്കയ്ക്കെതിരായ രണ്ടാം ടെസ്റ്റിനായി ദില്ലിയിലെത്തുന്ന ഇന്ത്യന് ടീമംഗങ്ങള് വിരുന്നില് പങ്കെടുക്കും. വിരാട് കോലി, എംഎസ് ധോണി, രവീന്ദ്ര ജഡേജ, ശിഖര് ധവാന്, സുരേഷ് റെയ്ന തുടങ്ങിയവര് ദില്ലിയിലെ വിരുന്നിനെത്തും. മുന് ഇന്ത്യന് പേസറായ സഹീര് ഖാനും സാഗരിക ഗട്ട്ഗെയും തമ്മിലുള്ള വിവാഹവും ഇന്ന് നടന്നു. നവംബര് 27ന് മുംബൈയിലാണ് ബോളിവുഡ്- ക്രിക്കറ്റ് താരങ്ങള് പങ്കെടുക്കുന്ന ഇവരുടെ വിരുന്ന്.
ക്രിക്കറ്റില് മിന്നുകെട്ട് ദിനം; ഭുവനേശ്വര് കുമാറും വിവാഹിതനായി
ഏഷ്യാനെറ്റ് ന്യൂസ് മലയാളത്തിലൂടെ Sports News in Malayalam, Cricket Live Score അറിയൂ. Cricket News, Football News, IPL News തുടങ്ങി എല്ലാ കായിക ഇനങ്ങളുടെയും അപ്ഡേറ്റുകൾ ഒറ്റതൊട്ടിൽ. നിങ്ങളുടെ പ്രിയ ടീമുകളുടെ പ്രകടനങ്ങൾ, ആവേശകരമായ നിമിഷങ്ങൾ, മത്സരം കഴിഞ്ഞുള്ള വിശകലനങ്ങൾ — എല്ലാം ഇപ്പോൾ Asianet News Malayalam മലയാളത്തിൽ തന്നെ!
Latest Videos
