ബംഗളൂരു: ഐപിഎല്ലില് പൊന്നും വിലയിലുള്ള ക്രിസ് ഗെയിലിനെ ഇത്തവണ ആര്ക്കും വേണ്ട. ഐപിഎല് താരലേലത്തിന്റെ ആദ്യ റൗണ്ടില് ഗെയിലിനെ ആരും വാങ്ങിയില്ല. രണ്ടുകോടിയായിരുന്നു ബംഗളൂരു താരമായിരുന്ന ഗെയിലിന്റെ അടിസ്ഥാനവില. ബംഗ്ലാദേശ് പ്രീമിയര് ലീഗിലും കരീബിയന് പ്രീമിയര് ലിഗിലും വെടിക്കെട്ട് പ്രകടനം ആവര്ത്തിച്ച ഗെയില് അടുത്തിടെ വിന്ഡീസ് ഏകദിന ടീമിലേക്ക് തിരിച്ചെത്തുകയും ചെയ്തിരുന്നു.
കൊല്ക്കത്ത നൈറ്റ് റൈഡേഴ്സില് കളി തുടങ്ങിയ ഗെയില് പിന്നീട് ബംഗളൂരു റോയല് ചലഞ്ചേഴ്സിലേക്ക് മാറി. ഇതിനുശേഷമാണ് ഗെയില് ഐപിഎല്ലിലെ വെടിക്കെട്ട് വീരനായത്. ആദ്യ റൗണ്ടില് ആരും വാങ്ങിയില്ലെങ്കിലും ഗെയില് ആരാധകര് നിരാശരവേണ്ട.
നാളെ നടക്കുന്ന ലേലത്തില് കൂിട ഗെയിലിനെ ആരും സ്വന്തമാക്കിയില്ലെങ്കില് ബംഗലൂരുവിന് ഗെയിലിനെ നിലനിര്ത്താന് അവസരമുണ്ട്. അതിന് ബംഗളൂരു തയാറാവുമോ എന്നാണ് കണ്ടറിയേണ്ടത്. ബംഗളൂരു താരമായിരുന്ന മിച്ചല് സ്റ്റാര്ക്കിനെ കൊല്ക്കത്ത സ്വന്തമാക്കിയിരുന്നു.
