Asianet News MalayalamAsianet News Malayalam

സ്പെയ്ന്‍ ലോകകപ്പ് തിരിച്ചെടുക്കും: ഡി ഗിയ

  • 2010ലെ ചാംപ്യന്മാരായ സ്‌പെയ്ന്‍ കഴിഞ്ഞ ലോകകപ്പില്‍ ആദ്യ റൗണ്ടില്‍ തന്നെ പുറത്തായിരുന്നു.
de gea says spain in in good shape

മാഡ്രിഡ്: റഷ്യയില്‍ സ്‌പെയ്ന്‍ ലോകകപ്പ് വീണ്ടെടുക്കുമെന്ന് ഗോള്‍കീപ്പര്‍ ഡേവിഡ് ഡി ഗിയ.  2010ലെ ചാംപ്യന്മാരായ സ്‌പെയ്ന്‍ കഴിഞ്ഞ ലോകകപ്പില്‍ ആദ്യ റൗണ്ടില്‍ തന്നെ പുറത്തായിരുന്നു. മികച്ച ഫോമിലുള്ള കളിക്കാരുടെ സംഘവുമായിട്ടാണ് സ്‌പെയ്ന്‍ റഷ്യയിലേക്ക് പോകുന്നത്. 

ടീം ഒഴുക്കുള്ള മനോഹര കളിയാണ് പുറത്തെടുക്കുക. കപ്പ് വീണ്ടെടുക്കാന്‍ എല്ലാവരും സജ്ജമായിക്കഴിഞ്ഞെന്നും മാഞ്ചസ്റ്റര്‍ യുണൈറ്റഡ് താരമായ ഡി ഗിയ പറഞ്ഞു. തകര്‍പ്പന്‍ ഫോമിലുള്ള ഡി ഗിയ മാഞ്ചസ്റ്റര്‍ യുണൈറ്റഡിന്റെ പ്ലെയര്‍ ഓഫ് ദ സീസണായി തെഞ്ഞെടുക്കപ്പെട്ടിരുന്നു.

യോഗ്യതാ റൗണ്ടില്‍ സ്‌പെയ്ന്‍ സാധ്യമായ 30 പോയിന്റില്‍ 28ഉം നേടിയിരുന്നു. ലോകകപ്പില്‍ ജൂണ്‍ 16ന് പോര്‍ച്ചുഗലുമായാണ് സ്‌പെയ്‌നിന്റെ ആദ്യ മത്സരം. ഇറാന്‍, മൊറോക്കോ എന്നിവരാണ് ഗ്രൂപ്പ് ബിയിലെ മറ്റ് ടീമുകള്‍.
 

Follow Us:
Download App:
  • android
  • ios