കളിമൈതാനത്തെ പോരാട്ട ചൂടിനിടെ പന്ത് തട്ടിയെടുത്ത് മുന്നേറാൻ എത്തിയത് ഇരു ടീമിന്റെയും മുൻനിരതാരമായിരുന്നില്ല. കോർണർ കിക്കിലേക്ക് വഴുതിയ പന്ത് തട്ടിയെടുത്ത് ലൈനിനടുത്ത് കൂടെ കുതിക്കാൻ എത്തിയ പട്ടി ഗ്രൗണ്ടിൽ മാത്രമല്ല, സാമൂഹിക മാധ്യമങ്ങളിലും താരമായി. അർജന്റീനയിലെ സ്പോർട്സ് ചാനലായ ട്രൈ സി സ്പോർട്സ് ആണ് പന്ത് തട്ടിയെടുത്ത് കുതിക്കുന്ന പട്ടിയുടെ വീഡിയോ പുറത്തുവിട്ടത്.
അർജന്റീനയിലെ സാൻ ലോറൻസോയും ആർസെലനും തമ്മിലുള്ള മത്സരത്തിനിടെയായിരുന്നു പട്ടിയുടെ പ്രകടനം. ലൈനിന് പുറത്തേക്ക് വന്ന പന്ത് ഓടിയെത്തി തട്ടികൊണ്ടുപോകുന്ന പട്ടി കാണികൾക്കും ഹരം പകരുന്ന കാഴ്ചയായി.
പന്ത് വാങ്ങാൻ ശ്രമിക്കുന്ന കളിക്കാർക്ക് നേരയെും ഒഫീഷ്യൽസിന് നേരെയും പട്ടി അരിശം പ്രകടിപ്പിക്കുന്നുണ്ട്. കുരക്കുന്ന പട്ടിക്ക് നേരെ നീട്ടിയ ചാനൽ മൈക്കിൽ കടിക്കുന്നതായും ദൃശ്യങ്ങളിലുണ്ട്. പട്ടിയുടെ ഫുട്ബാൾ കളി 8000ല് അധികം തവണയാണ് ചാനൽ റി ട്വീറ്റ് ചെയ്തത്.
San Lorenzo encontró el camino al gol gracias al aporte clave de él. Como a todo protagonista, le acercamos el micrófono de @PasoAPaso 🐶😂 pic.twitter.com/czWrjknUxe
— TyC Sports (@TyCSports) September 18, 2017
