ട്വന്റി-20യില്‍ ഇന്ത്യയോട് തോറ്റിട്ടും ഇംഗ്ലണ്ട് താരങ്ങള്‍ സന്തോഷംകൊണ്ട് തുള്ളിച്ചാടിയതിന് കാരണം
ഇന്ത്യ ബാറ്റിംഗിനിറങ്ങിയപ്പോഴായിരുന്നു ലോകകപ്പില്‍ ഇംഗ്ലണ്ട്-കൊളംബിയ മത്സരം തുടങ്ങിയത്. ഇതോടെ ഇംഗ്ലണ്ട് താരങ്ങള്‍ക്ക് ഡ്രസ്സിംഗ് റൂമിലിരുന്ന് കളി കാണാനും കഴിഞ്ഞില്ല.
ലണ്ടന്‍: ഇന്ത്യാ-ഇംഗ്ലണ്ട് ട്വന്റി-20 പരമ്പരയിലെ ആദ്യ മത്സരത്തില്‍ കോലിപ്പടയോട് ദയനീയമായി തോറ്റിട്ടും ഇംഗ്ലണ്ട് താരങ്ങള്‍ സന്തോഷം കൊണ്ട് തുള്ളിച്ചാടുകയായിരുന്നു. കാരണം മറ്റൊന്നുമല്ല, ഇന്ത്യക്കെതിരായ പോരാട്ടം നടക്കുമ്പോള്‍ അതിനേക്കാള്‍ പ്രധാനമായ മറ്റൊരു പോരാട്ടത്തില്‍ ഇംഗ്ലണ്ട് മാറ്റുരക്കുന്നുണ്ടായിരുന്നു. ലോകകപ്പ് ഫുട്ബോള്‍ പ്രീ ക്വാര്‍ട്ടറില്‍ കൊളംബിയക്കെതിരെ. രണ്ട് മത്സരങ്ങളും ഏതാണ്ട് ഒരേസമയമായിരുന്നു.
ഇന്ത്യന്‍ സമയം രാത്രി പത്തിന് തുടങ്ങിയ കളിയില്‍ ടോസ് നേടിയ ഇന്ത്യ ഇംഗ്ലണ്ടിനെ ആദ്യം ബാറ്റിംഗനയച്ചു. ഇംഗ്ലണ്ട് ബാറ്റിംഗിനുശേഷം ഇന്ത്യ ബാറ്റിംഗിനിറങ്ങിയപ്പോഴായിരുന്നു ലോകകപ്പില്‍ ഇംഗ്ലണ്ട്-കൊളംബിയ മത്സരം തുടങ്ങിയത്. ഇതോടെ ഇംഗ്ലണ്ട് താരങ്ങള്‍ക്ക് ഡ്രസ്സിംഗ് റൂമിലിരുന്ന് കളി മുഴുവന്‍ കാണാനും കഴിഞ്ഞില്ല.
England Cricket Team lost T20 match to India, but couldn't stop celebrating @England dramatic win over Colombia and making entry into the Quarter Finals @FIFAWorldCup I loveeee this game Football ⚽ #ENG #ENGCOL 🦁🦁🦁 pic.twitter.com/N6gqUIAczv
— Manoj Lad (@BeardedRedDevil) July 4, 2018
എന്നാല്‍ ഇന്ത്യക്കെതിരായ മത്സരം കഴിഞ്ഞതിനുശേഷമാണ് ഇംഗ്ലണ്ട്-കൊളംബിയ മത്സരത്തിലെ പെനല്‍റ്റി ഷൂട്ട് ഔട്ട് തുടങ്ങിയത്. അതുകൊണ്ട് താരങ്ങള്‍ക്ക് ഡ്രസ്സിംഗ് റൂമിലിരുന്ന് ഷൂട്ടൗട്ട് കാണാനായി. അതില്‍ ഇംഗ്ലണ്ട് ജയിച്ചതോടെ തോല്‍വിയൊക്കെ മറന്ന് താരങ്ങള്‍ ശരിക്കും ആഘോഷിച്ചു. ഡ്രസ്സിംഗ് റൂമില്‍ ഇംഗ്ലീഷ് താരങ്ങള്‍ ആഘോഷിക്കുന്നതിന്റെ വീഡിയോയം പുറത്തുവന്നിട്ടുണ്ട്.
