'യുവാക്കള്‍ക്കും സീനിയര്‍ താരങ്ങള്‍ക്കും പ്രചോദനം'; കോലിയെ കുറിച്ച് പാക് താരം
കോലി യുവതാരങ്ങള്‍ക്കും സീനിയര്‍ താരങ്ങള്‍ക്കും പ്രചോദനമാണെന്ന് മുന്‍ പാക്കിസ്താന്‍ താരം അഷര്‍ മഹ്മൂദ്.
ലാഹോര്‍: ഇന്ത്യന്‍ നായകന്‍ വിരാട് കോലി യുവതാരങ്ങള്‍ക്കും സീനിയര്‍ താരങ്ങള്‍ക്കും പ്രചോദനമാണെന്ന് മുന്‍ പാക്കിസ്താന്‍ താരം അഷര്‍ മഹ്മൂദ്. ട്വിറ്ററില്‍ പങ്കുവെച്ച കോലിക്കൊപ്പമുള്ള ചിത്രത്തിന് അടിക്കുറിപ്പായാണ് അഷറിന്‍റെ വെളിപ്പെടുത്തല്‍. ടെസ്റ്റ്- ഏകദിന റാങ്കിംഗില്‍ ഒന്നാം സ്ഥാനത്താണ് കോലി.
കോലിയുടെ ബാറ്റിംഗ് കാണുന്നത് എപ്പോഴും സന്തോഷമാണ്. യുവതാരങ്ങള്‍ക്കും എന്നെ പോലുള്ള സീനിയര്‍ താരങ്ങള്‍ക്കും കോലി പ്രചോദനമാണ്. സഹോദരന് എല്ലാവിധ ആശംസകളും നേരുന്നു- അഷര്‍ മഹ്മൂദ് ട്വിറ്ററില്‍ കുറിച്ചു. ഇംഗ്ലണ്ട് പര്യടനത്തില്‍ ടീം ഇന്ത്യയെ നയിക്കുകയാണ് കോലിയിപ്പോള്‍.
Good to see you as always. An inspirational to the youngsters and & elders like me 😂 @imVkohli all the best brother. pic.twitter.com/4DrvjJJmw3
— Azhar Mahmood (@AzharMahmood11) August 7, 2018
നാല്‍പ്പത്തിമൂന്നുകാരനായ അഷര്‍ 21 ടെസ്റ്റുകളിലും 143 ഏകദിനങ്ങളിലും പാക്കിസ്താനായി കളിച്ചിട്ടുണ്ട്. ടെസ്റ്റില്‍ 900 റണ്‍സും 39 വിക്കറ്റും, ഏകദിനത്തില്‍ 1521 റണ്‍സും 123 വിക്കറ്റും സ്വന്തമാക്കി. ഇന്ത്യന്‍ പ്രീമിയര്‍ ലീഗില്‍ കിംഗ്സ് ഇലവന്‍ പഞ്ചാബിനായും കളിച്ചു.
