സ്റ്റോയിനിസിന് ഓസീസ് ടെസ്റ്റ് ടീമില് അവസരം നല്കണമെന്ന് ഷെയ്ന് വാട്സണ്. ചതുര്ദിന- ഏകദിന- ടി20 മത്സരങ്ങളില് മികവ് പുലര്ത്തുന്ന ഓള്റൗണ്ടറാണ് സ്റ്റോയിനിസെന്ന് വാട്സണ്...
മെല്ബണ്: ഓള്റൗണ്ടര് മാര്ക്കസ് സ്റ്റോയിനിസിന് ഓസീസ് ടെസ്റ്റ് ടീമില് അവസരം നല്കണമെന്ന് വാദിച്ച് മുന് താരം ഷെയ്ന് വാട്സണ്. ഇരുപത്തിയൊമ്പതുകാരനായ സ്റ്റോയിനിസ് ഓസ്ട്രേലിയക്കായി 21 ഏകദിനങ്ങളും 17 ടി20 മത്സരങ്ങളും കളിച്ചിട്ടുണ്ട്.
Add Asianetnews as a Preferred Source
'ലോക ക്രിക്കറ്റിലെ തന്റെ പ്രിയ താരങ്ങളില് ഒരാളാണ് സ്റ്റോയിനിസ്. ചതുര്ദിന- ഏകദിന- ടി20 മത്സരങ്ങളില് മികവ് പുലര്ത്തുന്ന ഓള്റൗണ്ടറാണ് അദേഹം. മികച്ച പവര് ഹിറ്റര് കൂടിയാണ്. സ്റ്റോയിനിസിന് ടെസ്റ്റ് ക്ഷണം ലഭിക്കുമെന്നുറപ്പാണ്. ഓസ്ട്രേലിയക്കായി ടെസ്റ്റ് കളിക്കാന് താരത്തിന് അവസരം നല്കിയില്ലെങ്കില് അത് അത്ഭുതമായിരിക്കുമെന്നും' വാട്സണ് പറഞ്ഞു.
ബിഗ്ബാഷ് ലീഗില് ഗ്ലെന് മാക്സ്വെല് നയിക്കുന്ന മെല്ബണ് സ്റ്റാര്സിനായി കളിക്കുകയാണ് മാര്ക്കസ് സ്റ്റോയിനിസിപ്പോള്.
