റാഞ്ചി: ആദ്യ ട്വന്റി20 ജയിച്ച് പരമ്പരയില് തിരിച്ചെത്താനുള്ള ഓസീസ് ശ്രമത്തിന് മഴ ഭീഷണി. ഓസീസ് 18.4 ഓവറില് എട്ട് വിക്കറ്റ് നഷ്ടത്തില് 118 റണ്സെടുത്ത് നില്ക്കുമ്പോളാണ് മഴ പെയ്തത്. 42 റണ്സെടുത്ത ഓപ്പണര് ആരോണ് ഫിഞ്ചാണ് ഓസീസ് നിരയിലെ ടോപ് സ്കോറര്. തുടക്കത്തിലെ ഡേവിഡ് വാര്ണ്ണറെ നഷ്ടമായ സന്ദര്ശകര്ക്കായി മാക്സ്വെല്ലും ടിം പെയ്നും 17 റണ്സ് വീതമെടുത്തു.
ഓസീസ് നിരയില് മറ്റാര്ക്കും രണ്ടക്കം കാണാനായില്ല. ഇന്ത്യയ്ക്കായി ജസ്പ്രീത് ബൂംറയും കുല്ദീപ് യാദവും രണ്ട് വിക്കറ്റ് വീഴ്ത്തി. യശ്വേന്ദ്ര ചഹല് ഹര്ദിക് പാണ്ഡ്യ, ഭുവനേശ്വര് കുമാര് എന്നിവര് ഓരോ വിക്കറ്റുകള് നേടി. പരമ്പരയില് ഇത് നാലാം തവണയാണ് മാക്സ്വെന്റെ വിക്കറ്റ് ചഹല് നേടുന്നത്.
