Asianet News MalayalamAsianet News Malayalam

പ്രായത്തെ വെല്ലുന്ന വേഗം സ്റ്റംപിങിലും; വിക്കറ്റിന് പിന്നില്‍ മിന്നലായി ധോണി- വീഡിയോ

വിന്‍ഡീസിനെതിരായ മൂന്നാം ഏകദിനത്തില്‍ തകര്‍പ്പന്‍ ക്യാച്ചിന് പുറമെ ധോണിയുടെ മിന്നല്‍ സ്റ്റംപിങും. വെടിക്കെട്ട് ബാറ്റിംഗ് കൊണ്ട് ഇന്ത്യയ്ക്ക് വില്ലനായ ഹെറ്റ്‌മെയറെയാണ് ധോണി അതിവേഗത്താല്‍ കീഴടക്കിയത്. സെക്കന്‍റിന്‍റെ ചെറിയൊരംശത്തില്‍...

india vs windies 3rd odi watch ms dhonis stunning stumping vs windies
Author
Pune, First Published Oct 27, 2018, 7:16 PM IST

പുനെ: വിന്‍ഡീസിനെതിരായ മൂന്നാം ഏകദിനത്തില്‍ വിമര്‍ശകരെ പുറത്താക്കി എംഎസ് ധോണിയുടെ മിന്നല്‍ സ്റ്റംപിങും. കഴിഞ്ഞ ഏകദിനത്തില്‍ വെടിക്കെട്ട് ബാറ്റിംഗ് കൊണ്ട് ഇന്ത്യയ്ക്ക് വില്ലനായ ഹെറ്റ്‌മെയറാണ് ഇക്കുറി ധോണിവേഗത്തിന് മുന്നില്‍ കീഴടങ്ങിയത്. കുല്‍ദീപ് യാദവെറിഞ്ഞ 20-ാം ഓവറിലായിരുന്നു ഫ്രണ്ട് ഫൂട്ടില്‍ വമ്പനടിക്ക് ശ്രമിച്ച ഹെറ്റ്‌മെയര്‍ പുറത്തായത്. 

വിശാഖപട്ടണം ഏകദിനം ഓര്‍മ്മിപ്പിച്ച് കൂറ്റനടികളുമായി 21 പന്തില്‍ മൂന്ന് സി‌ക്സും രണ്ട് ഫോറുമടക്കം 37 റണ്‍സെടുത്ത് മുന്നേറുകയായിരുന്നു ഈ സമയം വിന്‍ഡീസ് ബാറ്റ്‌സ്മാന്‍. എന്നാല്‍ സെക്കന്‍റിന്‍റെ ചെറിയൊരംശത്തില്‍ ധോണിയുടെ കൈകള്‍ ഹെറ്റ്‌മെയറെ കുടുക്കി. ധോണിയുടെ കണ്ണും കൈകളും തമ്മിലുള്ള പൊരുത്തം ഒരിക്കല്‍ കൂടി തെളിയിക്കുകയായിരുന്നു ഈ സ്റ്റംപിങ്.

മത്സരത്തില്‍ ചന്ദര്‍പോള്‍ ഹേംരാജിനെ പുറത്താക്കാന്‍ പറക്കും ക്യാച്ചെടുത്തും ധോണി ശ്രദ്ധേയമായിരുന്നു. മൂന്നാം ഓവറില്‍ ബൂംറയുടെ കുത്തിയുയര്‍ന്ന പന്തില്‍ ബാറ്റ് വെച്ച ഹേംരാജിനെ(15) അതിവേഗം പിന്നോട്ടോടി ധോണി പറന്നുപിടിക്കുകയായിരുന്നു. ഈ രണ്ട് സംഭവങ്ങളും ധോണിയെ ടി20 ടീമില്‍ നിന്ന് പുറത്താക്കിയവര്‍ക്കുള്ള മറുപടിയായാണ് ആരാധകര്‍ ആഘോഷിക്കുന്നത്. 

Follow Us:
Download App:
  • android
  • ios