ഈ വീഡിയോ കണ്ടാല്‍ ധോണിയോടും മകള്‍ സിവയോടുമുള്ള ഇഷ്ടം കൂടുമെന്നുറപ്പ്
ചെന്നൈ: സമൂഹമാധ്യമങ്ങളിലെ കുട്ടി താരമാണ് മുന് ഇന്ത്യന് നായകന് എംഎസ് ധോണിയുടെ മകള് സിവ. സിവയുടെ കുസൃതികളും മലയാളം പാട്ടുകളും പലകുറി സോഷ്യല് മീഡിയയില് തരംഗമായിരുന്നു. സിവയുടെ ഒടുവിലത്തെ വീഡിയോയും സമൂഹമാധ്യമങ്ങള് ആവേശത്തോടെയാണ് ഏറ്റെടുത്തത്. സിവയുടെ മുടി ഹെയര് ഡ്രയര് ഉപയോഗിച്ച് ധോണി ഉണക്കിക്കൊടുക്കുന്നതാണ് ദൃശ്യങ്ങളാണിത്.
ഏഷ്യാനെറ്റ് ന്യൂസ് പ്രധാന വാർത്താ സ്രോതസായി തെരഞ്ഞെടുക്കുക
'മത്സരശേഷം അച്ഛന്റെ കടമകളിലേക്ക് പ്രവേശിച്ചുകഴിഞ്ഞു' എന്ന തലക്കെട്ടോടെ ധോണി തന്നെയാണ് ഈ ദൃശ്യങ്ങള് ഇന്സ്റ്റാഗ്രാമിലൂടെ പുറത്തുവിട്ടത്. മുടി ഉണക്കുന്ന വിഡിയോ പുറത്തുവന്നതോടെ സിവ ഒരിക്കല് കൂടി ആരാധകര്ക്കിടയില് താരമായി. ഇന്ത്യന് പ്രീമിയര് ലീഗില് ചെന്നൈ സൂപ്പര് കിംഗ്സ് നായകനായ ധോണി ബാറ്റ് ചെയ്യുമ്പോഴുള്ള സിവയുടെ കുസൃതികള് നേരത്തെ വൈറലായിരുന്നു.
