Asianet News MalayalamAsianet News Malayalam

മാഞ്ചസ്റ്റര്‍ സിറ്റി ഗോള്‍ കീപ്പര്‍ക്ക് ഗിന്നസ് റെക്കോര്‍ഡ്

  • ഗിന്നസ് റെക്കോര്‍ഡ് സ്വന്തമാക്കി സിറ്റിയുടെ ബ്രസീലിയന്‍ താരം എഡേഴ്സണ്‍
manchester city goal keeper ederson longest drop kick record
Author
First Published May 11, 2018, 7:08 PM IST

മാഞ്ചസ്റ്റര്‍‍: ഇംഗ്ലീഷ് പ്രീമിയര്‍ ലീഗിലെ മികച്ച ഗോള്‍ കീപ്പര്‍ക്കുള്ള പുരസ്കാരം തലനാരിഴയ്ക്കാണ് മാഞ്ചസ്റ്റര്‍ സിറ്റിയുടെ ബ്രസീലിയന്‍ താരം എഡേഴ്സണ് നഷ്ടമായത്. മികച്ച ഗോള്‍ കീപ്പര്‍ക്കുള്ള പുരസ്കാരം കൈവിട്ടെങ്കിലും ഗിന്നസ് ബുക്കില്‍ പേര് ചേര്‍ത്തിരിക്കുകയാണ് താരമിപ്പോള്‍. നീളമേറിയ ഡ്രോപ്പ് കിക്കിനുള്ള റെക്കോര്‍ഡാണ് എഡേഴ്സണെ തേടിയെത്തിയത്. എഡേഴ്സണ്‍ എടുത്ത കിക്ക് 75.35 മീറ്റര്‍ ദൂരം പിന്നിട്ടു. 

എഡേഴ്സണ്‍ തനിക്ക് ലഭിച്ച ഗിന്നസ് സര്‍ട്ടിഫിക്കറ്റിന്‍റെ ചിത്രം ഇന്‍സ്റ്റാഗ്രാമില്‍ പങ്കുവെച്ചിട്ടുണ്ട്. ലോകകപ്പിനുള്ള ബ്രസീലിയന്‍ ടീമില്‍ ഏറെക്കുറെ സ്ഥാനമുറപ്പിച്ച താരമാണ് 24കാരനായ എഡേഴ്സണ്‍. സിറ്റിക്കായി 36 മത്സരങ്ങളില്‍ വല കാത്തിട്ടുണ്ട്. കഴിഞ്ഞ സമ്മറില്‍ പോര്‍ച്ചുഗീസ് ക്ലബായ ബെന്‍ഫിക്കയില്‍ നിന്നാണ് എഡേഴ്സണ്‍ മാഞ്ചസ്റ്റര്‍ സിറ്റിയിലെത്തിയത്. 

Follow Us:
Download App:
  • android
  • ios