ദില്ലി: പാകിസ്ഥാന് ആരാധകരുടെ ക്രിക്കറ്റ് പ്രേമം പ്രസിദ്ധമാണ്. എന്നാല് പാരമ്പര്യവൈരികളാണെങ്കിലും പാകിസ്ഥാന്ക്കാര്ക്ക് കൂടുതല് ഇഷ്ടം ഇന്ത്യന് ക്രിക്കറ്റ് താരങ്ങളോടാണ്. കൂടുതൽ പാക്കിസ്ഥാൻകാരും സൈബർ ലോകത്ത് തെരയുന്നത് ഇന്ത്യൻ ക്രിക്കറ്റ് താരങ്ങളെയാണ്. കഴിഞ്ഞ ഒരു വർഷത്തിനിടെ അയൽരാജ്യക്കാർ ഗൂഗിളിൽ ഏറ്റവും കൂടുതൽ തെരഞ്ഞ താരം മറ്റാരുമല്ല, ഇന്ത്യൻ നായകൻ വിരാട് കോലിയെ തന്നെ.
ക്രിക്കറ്റ് ലോകത്ത് ക്രിക്കറ്റ് പ്രധാനവിനോദമായ ഉപഭൂഖണ്ഡത്തിലും കോലി തന്നെയാണ് താരാരാധനയിൽ ഇപ്പോൾ മുന്നിൽ നിൽക്കുന്നത്. എന്നാൽ പാകിസ്ഥാൻകാർ കൂടുതൽ ഒരു ഇന്ത്യൻ താരത്തെ തിരയുന്നത് കേട്ടുകേൾവിയില്ലാത്ത സംഭവമാണ്. പാക്താരങ്ങളുമായുള്ള ആരോഗ്യകരമായ ബന്ധത്തിലും കോലി അവർക്ക് ഇഷ്ടതാരം തന്നെയാണ്.
കോലിക്ക് ശേഷം പാക്കിസ്ഥാൻകാർ തെരഞ്ഞ താരം അവരുടെ ക്യാപ്റ്റൻ കൂടിയായ വിക്കറ്റ് കീപ്പർ സർഫ്രാസ് അഹമ്മദാണ്. മൂന്നാം സ്ഥാനത്ത് ഫാസ്റ്റ് ബൗളർ മുഹമ്മദ് ആമിറും നാലാം സ്ഥാനത്ത് ബാറ്റ്സ്മാന അഹമദ് ഷെഹ്സാദുമാണ്.
അനുഷ്ക ശർമയുമായുള്ള വിവാഹത്തിലൂടെ ജീവിതത്തിൽ പുതിയ ഇന്നിങ്സ് തുടങ്ങിയ കോലിലെ ഒട്ടേറെ പാക് താരങ്ങളും മുൻ താരങ്ങളും അഭിനന്ദിച്ചിരുന്നു. നവദമ്പതികൾ ഇപ്പോൾ മധുവിധു ആഘോഷത്തിരക്കിലാണ്. അടുത്ത ദക്ഷിണാഫ്രിക്കൻ സന്ദർശനത്തോടെ കോലി തിരികെയെത്തി ടീമിന്റെ നായക സ്ഥാനം ഏറ്റെടുക്കുമെന്നാണ് കരുതുന്നത്.
